A compañía cambadesa Teatro No Garaxe representará o vindeiro domingo 28 no Auditorio da Xuventude de Cambados, ás 21 horas a obra "ASÍ É SI VOS PARECE"
Así é (si así vos parece) é o título dunha obra de teatro popular do escritor italianio Luigi Pirandello, definida polo mesmo como unha "farsa filosófica", e realizada en 1917. Como ocorre na maior parte do seu teatro, o autor desenvolve a obra a partir dun relato. Neste caso a comedia está sacada do conto "A señora Frola e o Señor Ponza", o seu yerno. A obra trata o tema da verdade, o contraste entre realidade e aparencia, entre verdadeiro e falso. Pirandello pon en crise a idea dunha realidade obxectiva que poida interpretarse de modo unívoco mediante os instrumentos da racionalidad.
O contexto histórico da obra e a ambientación están magistralmente matizados polo autor. Os feitos transcorren nunha pequena capital de provincia, o que permite ao autor reflectir as súas ideas sobre a sociedade pequeno burguesa, á que ve como unha gaiola, que impón unha vida miserable e frustante.
En canto aos personaxes, Pirandello colócaos nunha situación paradoxal para demostrar o contradictorio da existencia. Para o autor, o home, malia os seus esforzos, non logra penetrar ata o final do labirinto das aparencias, nin coñecer o que está encerrado nas formas das que é responsable e á vez prisioneiro.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.