"COCIÑANDO NO SALNÉS" DA MAN DE ROCÍO "LA COCINA DE MI ABUELO"

Acaba de poñerse en marcha a iniciativa "Cociñando no Salnés", unha aula de cociña que se desenvolve o terceiro sábado de cada mes nun singular espazo situado no Hotel Quinta de San Amaro(Meaño), dirixido pola cociñeira Rocío Garrido (do blog "La Cocina de mi Abuelo"). Este taller é un punto de partida para todos os afeccionados aos fogóns, onde tanto poden iniciarse nos coñecementos dunha boa cocción dun peixe como na precisa elección dos mellores produtos do mercado ou, sinxelamente, descubrir os segredos culinarios que os grandes xefes de cociña non adoitan confesar.

Así, en cada encontro, Rocío propón a elaboración dun entrante, primeiro prato, un segundo e unha sobremesa, preparacións que ao final da xornada (un par de horas) serven de menú para os propios participantes do taller. Os menús quedan a elección da propia directora da aula, aínda que se van renovando constantemente e adoitan ser temáticos (pratos mariñeiros, arroces, etc.), propoñendo tamén outro taller denominado XL que inclúe unha visita á praza xunto con Orballo para aprender a elixir os mellores produtos e unha posterior visita a unha batea mejillonera.

Na xornada que nos ocupa, a polifacética Rocío Garrido propuxo un Paté de Centola, Ameixas con wakame ("as ameixas están no seu punto de cocción cando comezan" a "sorrir", comenta Rocío), unMarmitako de xurelo con tirabeques e Filloas recheas de crema demirabel con fío de licor café, de sobremesa. Un taller que é toda unha experiencia sensorial e que non pretende ser unhamasterclass senón unha aproximación á mellor cociña caseira que nunca perde vixencia. Para os interesados, máis información en www.cocinandoenelsalnes.com.

INFORMACIÓN