O primeiro tenente de alcalde en funcións, Antonio Iglesias Pombo, acompañou á xove promesa Jesús Duarte na presentación da segunda edición da Mini BTT Concello de Cambados que se disputa este domingo, a partir das 10.30 horas, puntuable para o campionato galego e trofeo da Deputación de Pontevedra.
A organización calcula en máis de 250 os participantes nesta proba que se vai disputar nas categorías prebenxamìns, promesas, principiantes, alevíns, infantís e cadetes, de entre 5 e 14 anos de idade, que se achegarán ó circuito do monte da Pastora procedentes de toda Galicia.
A inscrición ábrese ás 9 horas, e os ciclistas interesados en participar que non estén federados poderán anotarse abonando 5 euros. O comezo da proba está previsto para as 10.30 horas a través do circuito da Pastora, con lixeiras modificacións con respecto á primeira edición.
Jesús Duarte Trigo, en principio, podería ser o único cambadés que compita, e farao na categoría promesas. Ocupa o número 2 do ránking do campionato galego que se iniciou en Arteixo, continuando en Vigo, Dumbría, Coruxo e agora Cambados, polo tanto a quinta proba dun calendario que consta de vinte carreiras.
FONTE: CONCELLO DE CAMBADOS
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.