OS SOCIALISTAS PROPOÑEN CREAR UNHA FUNDACIÓN DE DEPORTE DE CAMBADOS

    “A Fundación de Deportes de Cambados“, a proposta de Fátima Abal para o Deporte cambadés

Fátima Abal leva varios días concertando reunións cos clubes deportivos de Cambados e ofrecéndolles unha proposta que está a funcionar con gran éxito noutros Concellos: a posibilidade de formar entre todos unha Fundación de Deportes“, na que existan representantes de todos os clubes.

“O deporte ten que ser unha gran aposta en calquer Concello. A práctica de deporte e o seu fomento é necesario para unha saúde física e mental de todos os veciños. En Cambados temos grandes canteiras e os resultados deportivos están ahí, unha gran calidade na formación que se manifesta no seu rendemento e na súa participación en competicións deportivas de alto nivel. Pero como ocorre sempre, esto non abonda , o factor económico é moi importante tamén no mundo do Deporte. Por iso, entre outras moitas medidas, pensamos que é necesaria unha Fundación, na que haxa representantes de tódolos clubes, que se encargue ademáis de asesorar, informar e tramitar distintas axudas e subvencións, que se encargue de organizar diferentes actividades coas cales os clubes poidan aumentar os seus ingresos. Ademáis concertaránse  Convenios de Colaboración entre o Concello e a Fundación de Deportes para  organizar actividades de todo tipo onde se poidan conseguir ingresos para a Fundación“.

“Nalgúns Concellos como no de A Illa, cada fin de semana no verán, a cada clube da Fundación lle corresponde unha festa gastronómica que vai rotando ano a ano. Ademáis de todo o producto que se compra e vende na lonxa, un porcentaxe moi pequeno, pasa á  Fundación, ó igual que diferentes entidades que tamén colaboran con este fin“.

“En Cambados, esto tamén sería factible, sobre todo a existencia de Festas gastronómicas que beneficien directamente, non só á Fundación, xa que a totalidade dos productos ofertados deberán ser obrigatoriamente productos elaborados e comprados en Cambados: desde o pan, pasando por tapas, mariscos, viños, e todo o que a Fundación decida ofertar.  Así, fomentaríanse os productos de Cambados, axudando ó comercio e á Hostelería local e promocionando tamén o Turismo“, explica Fátima Abal.

“Os pormenores da Fundación deberán estar recollidos nos seus Estatutos e nas súas normas de funcionamento, que deberán estar consensuadas polos propios clubes, e nos Convenios de Colaboración firmados co Concello para que a súa posta en marcha sexa promocionada e impulsada desde o propio Concello, fomentando as prácticas saudables e o xurdimento de deportes no noso municipio que aínda non teñen presencia“.

A portavoz socialista afirma que “aínda que xa falamos con algúns clubes, quedan outros moitos cos que aínda non falamos polo que nos seguiremos reunindo con eles en vindeiros días. Polo de agora, os clubes cos que contactamos,  maniféstannos que lles parece unha boa idea e que estarían dispostos a formar parte desta Fundación de Deportes de Cambados“

Outras medidas que os socialistas levarán a cabo serán o fomento de carrís bici e circuitos cardiovasculares, coa prolongación do actual carril bici por todo o paseo marítimo e sistema de aluguer de bicis para facer exercicio; a mellora de instalacións deportivas sobre todo nas parroquias e o fomento de escolas deportivas e do deporte base, onde tamén poidan participar nenos con diversidade funcional, para que a inclusión e a integración sexan reais e efectivas.