PREVIA DO ÁVILA-XUVEN

Volve ás murallas do Carlos Sastre a liga. Volve o equipo abulense e Volve o Xuven Cambados a visitar a pista do Carlos Sastre de Ávila. Un Xuven que tamén regresa á actividade tras cumprir a obrigada xornada de descanso. Casteláns e galegos presentarán batalla nun claro aperitivo de 'playoff'. Un hipotético cruzamento, que presentaría moita igualdade e prognóstico incerto, como no choque de hoxe. Unha vitoria de diferenza hai nada máis entre ambos os dous equipos, polo que na mente dos locais estará, porque non, intentar gañar e superar ademais o menos 15 da ida no Pombal. O factor pista nos 'playoff' polo tanto volve ser un aliciente máis que interesante, entre dous conxuntos con argumentos parecidos e sólidos para competir e moito de aquí ata o final de tempada.

A seguir: Johnson, o mellor reboteador da competición, recibirá o histórico Alberto Rodríguez. Ambos os dous empregarán armas ben diferentes na pintura.
O dato: As perdas, tema a corrixir para o Xuven. É o terceiro equipo que perde máis balóns (16,9).
A ida: +15 para Cambados (61-46)
Data e hora: sábado, 19:00 horas.