O BANCO DE TERRAS DE CAMBADOS NON É PUBLICITADO

O alcalde  Luís Aragunde pedindo fincas en aluguer para parados cando resulta que levan publicadas meses e non fai ningunha publicidade delas.

O Concello de Cambados e Cáritas Interparroquial de Arousa presentaron o mes de xuño do 2013  dúas iniciativas moi similares pensadas para persoas en situación de desemprego. Trátase de dous novidosos plans destinados ao cultivo de verduras en hortas cedidas por particulares no caso cambadés e pola propia ONG no comarcal. Non obstante, en ningunha das dúas propostas houbo unha alta demanda ata o momento, pois só tres e unha persoas respectivamente interesáronse en participar.

O alcalde da vila do albariño, Luis Aragunde, presentou a iniciativa do seu municipio acompañado dos responsables das cooperativas Hortumia e Horsal, que se comprometeron a adquirir todo o produto obtido nos terreos destinados a este fin. Os terreos foron cedidos por propietarios de Sisán e Vilariño que, por algunha razón, non explotaron as súas propiedades durante os últimos anos.

A cesión de terras sería totalmente gratuíta e duraría dous anos, despois dos cales arrendatarios e arrendadores negociarían o prezo do aluguer da devandita explotación.


Resulta que a ese banco de terras agregáronse fincas desde esa data e desde o Concello non se publicitou nada desde ese dia.En Cambados hai cedidos ao banco de terras 9 parcelas en Oubiña que suman algo máis de 9000 metros cadrados.

Seguramente sexa porque  o BANTEGAL foi feito polo bipartito e claro non poden decir que algo do  bipartito é bo.