NOVOS ÉXITOS CAMBADESES EN ARTES MARCIAIS

Segundo fin de semana consecutivo de alegrías para os competidores do Club Vital Sport Cambados. Na mañá do sábado día 7, celebrouse no pavillón Príncipe Felipe de Pontevedra, a fase provincial do Campionato Escolar de Combate, no que participaron 175 deportistas de toda a provincia. 
O Club Vital Sport Cambados, e o seu asociado o Club Gym Vital de Caldas de Reis, acudiron a cita con tres competidores, facendo pleno de medallas, o que supón unha grande satisfacción tanto para o Club como para a súa adestradora Noelia Gómez, conseguindo, no caso de Sebastián Medranda, medalla de Oro, o cal gañou o primeiro posto do podio tras disputar a final da categoría Infantil en peso Gallo, competindo contra outro competidor do Club Vital Sport Cambados, Alberto Mosteiro, que obtivo a segunda praza, medalla de Prata, e, no caso de Gabriel Oubiña, tamén excelente actuación conseguindo a terceira praza na categoría Infantil, en peso Minigalo, tendo este o mérito  engadido de ser a súa estrea en competición na modalidade de combate. 

Agora estes tres deportistas prepararán a súa estrea nun campionato Autonómico, ao terse clasificado para o Campionato Escolar Galego de Combate, que se celebrará o día 30 de maio na localidade de Villalba (Lugo).