Recentemente, veñen de ser executadas as obras para a mellora da senda marítima do Facho-Castrelo, concretamente ás realizadas ao remate da pista da Quintáns, nas que se investiron 20.000 € dos cales a Consellería de Medio Ambiente, Territorio e Infraestructuras aportou unha axuda global de 19.528 € e o concello a parte correspondente ao IVE da obra. Que os traballos, realizados ao longo de 460 metros de pista, consistiron nas tarefas de roza e limpeza do camiño e recheo de xabre. Así mesmo unha vez rematada a obra, veciños/as do lugar puxéronse en contacto co BNG para manifestarlle as súas dúbidas de que os traballos realmente realizados se correspondan co importe anteriormente mencionado para esta obra.
O grupo municipal do BNG pide se lle permita consultar a memoria deste proxecto, se lle informe sobre o tipo de adxudicación aplicada a esta obra, se faciliten as propostas de orzamentos das empresas presentadas, así como tamén se faciliten as certificacións de obra realizadas e as facturas correspondentes aos pagos polos traballos realizados.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.