MALOS DATOS DO PARO NA COMARCA

Que xaneiro adoita é un mal mes para o mercado laboral, non é novidade, polo que este mes pasado  non podía ser unha excepción. Xa en decembro, se rexistraron 557 persoas máis nas listas do antiguo INEM, en xaneiro a cifra foi de outros 355 demandantes de emprego na comarca arousán, o que supón un crecemento do paro do 2,8 %, o mesmo porcentaxe que no conxunto da comunidade galega. O desemprego creceu en todos os concellos de O Salnés, pero Cambados, con 105 novos demandantes, lévase a palma neste ránking negativo. 

Galicia pechou o mes de xaneiro cun total de 259.002 persoas en situación de desemprego, o que supón un incremento do 2,81% con respecto ao mes anterior (+7.084). En comparación con xaneiro de 2014, isto é, interanualmente, o desemprego descendeu nun 7,85 por cento (-22.075), o mellor comportamento interanual de toda a serie histórica (estatísticas desde 1996).

En España, o desemprego aumentou en 77.980 persoas, un 1,75 por cento, ata situarse nos 4.525.691 parados. En termos interanuais, o paro en España baixou nun 6%. Deste xeito, Galicia sitúase “case dous puntos” por riba da media estatal a nivel interanual.