PRESENTADOS OS SEIS PRIMEIROS NOMES DA LISTA ELECTORAL DO B.N.G.

A Asemblea Aberta celebrada este martes en Cambados estivo organizada, como as anteriores, coa intención de que a participación veciñal sirva para aportar novas propostas e persoas que se sumen ao proxecto nacionalista para enriquecer o traballo serio e rigoroso feito ao longo dos últimos anos polo BNG que o sitúa como a  alternativa ao desgoberno que sofre Cambados e  ao que agardamos co apoio dos veciños e veciños dar remate no vindeiro mes de maio.

Nesta Asemblea  a proposta de candidatura encabezada polo actual portavoz municipal do BNG, Víctor Caamaño como candidato á alcaldía, que estará acompañado, nun primeiro tramo, polas seguintes persoas:

1.- Víctor Caamaño Rivas. Profesor de Bioloxía no IES Francisco Asorey, actual portavoz municipal do BNG e membro do Consello Comarcal do BNG

2.- María Xosé Cacabelos Domínguez. Diplomada en Traballo Social, mariscadora e concelleira

3.- Teresa Prado Cores. Membro da directiva da Asociación de Veciños de Oubiña. Traballa de mariscadora e actualmente é concelleira.

4.- Isidoro Bugallo Piñeiro. Técnico Auxiliar de enfermería, condutor profesional e mariscador en Castrelo.

Esther Serrano

5.- Esther Serrano Vidal. Empregada de comercio, forma parte das bandas de música de Castrelo e Ribadumia.

6.- Emmanuel Franco Joven. Estudante de Grao de Publicidade e Relacións Públicas. Pertence á Asociación Danzantes de Cobas.

 

Na Asemblea Aberta aportáronse ademais ideas para conformar o programa a presentar aos veciños e veciñas de Cambados e quedouse de pechar un calendario de traballo nos vindeiros días.