Hoxe, os “Larpeiros” (22.05 horas) manterán hoxe unha animada conversa sobre unha cousa ben rica da que todos son fans nesta casa: a centola. Nesta ocasión, están todos dispostos a cociñar con ela e cando falan de cociñar non se refiren a cocela e comela, senón que pensan facer algo diferente. Son moitas as ideas que pasan polas súas cabezas e algunhas ben orixinais, como empanada de centola, croquetas, salpicón e mesmo unhas filloas recheas de centola.
Coa axuda de Lola, don Benigno fará unha receita moi típica no País Vasco que deixará os seus compañeiros abraiados: centola ao forno, coa carne posta toda na cuncha para despois darlle un toque máxico. Merchi e Leni tamén porán a súa imaxinación a voar e elaborarán un pastel de centola.
Unha vez decidido que a centola será a raíña absoluta do menú desta semana, Adrián, o “larpeiro” máis viaxeiro, irá a Cambados co obxectivo de converterse en todo un experto na pesca da centola, para o que contará coa axuda de José Luís. Terá que traballar como un mariñeiro máis se quere levarlles ao resto dos comensais unhas centolas á altura da ocasión.
Fonte:TVG
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.