OS BOLECHAS VISITAN HOXE CAMBADOS

Hoxe sábado, Os Bolechas da tele volverán a subir a un escenario con Lady Vina para representar o musical co que percorreron Galicia enteira o pasado Nadal. Nesta ocasión será unha única cita no Salón de Peña do Concello de Cambados este sábado 27 de decembro ás 18.00 h. A entrada é gratuíta, só tedes que recoller invitación no departamento de Cultura municipal.


Patrocinada pola TVG e pola Secretaría Xeral de Política Lingüística, a Caravana de Nadal inclúe o espectacular autobús de dúas plantas, onde os pequenos fans dos Bolechas poden gozar de multitude de iniciativas: xogos, sesións de cine, manualidades etc. Todas as actividades serán libres e totalmente gratuítas.