O SECTOR DO XEITO REÚNESE MAÑÁN

O sector do 'xeito' reuniuse este sábado en Rianxo (A Coruña) onde acordaron que os patróns da ría de Arousa manteñan un encontro o mañán luns en Carril co fin de abordar a situación que afrontan os máis de 420 barcos que viven desta arte tradicional ante o actual peche da pesquería da sardiña e a súa prohibición a partir do 1 de xaneiro por parte de Bruxelas, co fin de marcar un calendario de movilizacións.

Segundo explicou  este sábado o patrón maior de Rianxo, Miguel Anxo Iglesias, o obxectivo da reunión de mañán será marcar diversas concentracións en varias localidades ante a problemática situación que viven aqueles que usan esta arte tradicional.

I é que os 'xeiteiros' advirten de que levan "quince días sen levar diñeiro para casa" polo peche. "E nós así non comemos", censurou Iglesias, patrón maior de Rianxo, onde se concentra boa parte deste tipo de flota.

Sobre a decisión de Bruxelas de prohibir totalmente este tipo de artes pesqueiras a partir do 1 de xaneiro de 2015, ao enmarcalas dentro do uso de redes de deriva, asegurou que a situación "vai a empeorar".

"Xa non non nos deixan nin pescar a sardina dentro de ría e o día 1, si se aproba a proposta en Bruxelas, quedamos sen 'xeito". "E si nos sacan o 'xeito', a nós mátannos", subliñou.