Axentes do Servizo de Gardacostas en colaboración con axentes da Policía Autonómica realizaron nas últimas horas un operativo contra o furtivismo na ría de Arousa que se saldou coa identificación de 16 persoas que estaban faenando de xeito ilegal e co levantamento das correspondentes actas de infracción.
O operativo desenvolveuse nas praias de Landeira, Mañóns, A Torre e O Chazo (concesións das confrarías de Rianxo e Cabo de Cruz) e nel os axentes requisaron 30 quilos de mestura de ameixa xapónica e babosa e 8 sachos.
A Consellería do Medio Rural e do Mar lembra á cidadanía que o consumo de marisco extraído e comercializado de xeito ilegal pode supor un risco para a saúde ao non ter pasado ningún tipo de control que o avale. Por iso pide ao consumidor que non compre produto fóra das vías legais de comercialización.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.