O BNG PIDE TRANSPARENCIA COA FESTA DO ALBARIÑO

Hai aproximadamente un mes que se celebrou a Festa do Albariño do ano 2014 e o BNG, como ven facendo habitualmente, quere solicitar ao goberno municipal unha serie de informacións relativas a este evento, desexando que nesta ocasión a información facilitada ao BNG se axuste ao que realmente pide (agardando que o PP se aplique esa transparencia que tanto esixe aos demais) e que non  siga ocultando o que debería ser coñecido por todos/as os cidadáns e cidadás. Tamén sería desexable que a información solicitada fora entregada antes do inicio do ano 2015; polo que piden que se facilite ao BNG 3 aos cambadeses a seguinte información:

1.- Gastos orixinados pola organización da Festa do Albariño 2014.

2.- Axudas económicas facilitadas polas Administracións Públicas (diferentes Consellerías da Xunta e Deputación) para a organización deste evento (cantidades recibidas e orixe das mesmas).

3.- Listado de convidados ao Xantar do Albariño (listado de todas aquelas persoas que asistiron ao Xantar convidados polo concello e a razón pola que foron convidados).

Para todo elo presentaron un escrito onte no concello pedindo o anterior.