ANTE A PARÁLISIS DE ROSA QUINTANA, MÓVENSE OS MEXILLOEIROS

CORES DE CAMBADOS xa pideu a dimisión da conselleira ROSA QUINTANA.

Ante a falla de movementos por parte da "festeira" Rosa Quintana é o sector mexilloeiro quen pretende emprender accións legais contra Francia polo suposto caso do mexillón contaminado. Din que a alerta sanitaria se adoptou sen comprobar a presenza de toxina e que todo responde a una estratexia comercial contra o mexillón galego.
Desde o sector mexilloeiro estan convencidos de que Francia utiliza as alertas sanitarias como unha guerra comercial. Unha estratexia de desprestixio para frear a importación de mexillón galego.
"Estamos soportando que Francia de xeito sistemático unha ou dúas veces cada ano manifeste unha alerta sanitaria sobre o mexillón galego sen achegar datos e a trazabilidade do produto", asegura o cambadés Javier Blanco, presidente da asociación de mexilloeiros Virxe do Rosario.
A alerta sanitaria centrará a xuntanza de hoxe da mesa do mexillón. O sector pediralle á Xunta que lle esixa a Francia indemnizacións polos prexuízos causados.
"O que lle imos demandar á Xunta de Galicia é que denuncie a Francia e lle pida danos e prexuízos, e que defenda os intereses do conxunto do sector mexilloeiro ante estas denuncias que non teñen fundamento", di Javier Blanco.
Os produtores insisten en que en 50 anos nunca se detectou ningún caso de intoxicación por consumo de mexillón con toxina.