PRESÉNTASE UN LIBRO SOBRE CENTROS PONTEVEDRESES NA ARXENTINA

Centro "Nativos del Ayuntamiento de Cambados"

O xornalista e profesor Martín Fernández Vizoso, actual responsable de Prensa da Deputación, presenta o seu libro “Los centros de la emigración pontevedresa en Buenos Aires” hoxe venres 13 de xuño, ás 19:00 h, no Sexto Edificio.
A obra recolle o devir de 18 centros que aglutinaron a boa parte da emigración que desde os diferentes concellos de Pontevedra chegaban á cidade porteña.
A través das actas dos propios centros o autor vai reconstruíndo a historia e os feitos máis relevantes dos colectivos de Lalín, Silleda, Agolada, Hijos del Partido de Lalín, Unión del Partido de Lalín, Centro Cultural de A Estrada, Unión de Residentes de Carbia, Hijos del Ayuntamiento de O Grove, Unión Hijos del Grove, Nativos del Ayuntamiento de Cambados, Hogar de Ribadumia, Asociación de Moraña, Residentes de Vigo, Hijos de Mos, Unión del Valle Miñor, Tui-Salceda e Hijos de Arantei y Villamarín Perojano.
O libro tamen inclúe numerosas fotografías das distintas directivas e de actos sociais celebrados en cada entidade.
Pontevedra e Galicia teñen unha inmensa riqueza nos seus centros do exterior, especialmente nos de Arxentina, que na actualidade ademais de gardar boa parte da memoria da provincia, afrontan unha imprescindible reorientación para converterse en territorios de futuro.