OS PREFERENTISTAS ABANDONAN AS PROTESTAS PERO NON A LOITA

Tras case dous anos de mobilizacións continuas, as plataformas de afectados polas participacións preferentes e débeda subordinada do Salnés e Marín-Pontevedra decidiron abandonar as protestas.
Toman esta decisión tras as últimas devolucións de fondos aos seus integrantes, que permitiu, que a maioría recuperaron o seu diñeiro ou están a punto de facelo.

Moitos dos afectados de ambas as dúas organizacións cobraran xa mediante o sistema de arbitraxe que puxo en marcha a Administración. Non obstante, tras a chegada da nova dirección de Novagalicia Banco, os casos fóronse resolvendo a través de acordos que foron alcanzando directamente nos últimos meses coa entidade financeira.
Trátase dunha medida similar á adoptada recentemente por outras plataformas similares como as de Val-Miñor, O Morrazo e A Coruña.
 O logro supón que os máis de 300 integrantes da plataforma de Pontevedra-Marín recuperaron de 9 a 10 millóns de euros e os ao redor de 250 prexudicados do Salnés, entre 8 e 9 millóns. Nesta última plataforma quedan tres afectados pendentes de resolucións xudiciais.

Plataforma de afectados de O Salnés

 Nesta nova etapa centraranse tamén en reclamar que se retiren as sancións impostas a afectados pola súa participación en distinto tipo de profestas. En toda Galicia se impuxeron sancións por un total de 20.000 euros, das que ningunha afecta aos membros de Marín e Pontevedra. Si hai un preferentista do Salnés con dúas multas agora recorridas.

Agora estas plataformas van a constituise en asociacións para poder presentar as demandas ante a Audiencia Nacional contra os "responsables de esta estafa".