MARTIN CODAX ACADA UN NOVO PREMIO

A adega cambadesa "Martin Codax" ven de recibir un novo premio. 
Trátase dun dos Premios ao éxito empresarial, que concede a revista Actualidad Económica. 

Con este premio recoñécese a Martín Codax pola súa estratexia internacional, o que representa “un claro expoñente do inmenso esforzo realizado pola industria vitivinícola galega nos últimos anos e que levou a un notable crecemento das exportacións dos viños galegos”.
Xunto a adega cambadesa tamén foron outorgados polo
xurado e os lectores de Actualidad Económica o premio de Mellor Empresario a Ángel Martínez Varela da empresa Fandicosta; o de Mellor Traxectoria Empresarial a Televés; o de Mellor Iniciativa Empresarial, a ampliación da sede de Inditex; o premio de Innovación á Universidade de Vigo; o Premio Revelación á empresa Quescrem: e o Premio á Creación de Emprego a Hijos de Rivera.