NOVO VIDEO DA MANCOMUNIDADE DO SALNES

Con este novo vídeo a Mancomunidade quere amosar a beleza e os encantos do Salnés.

O Salnés quere internacionalizarse. A Mancomunidade ven de apostar por dar a coñecer a comarca nos mercados estranxeiros para capear a crise do turismo nacional. Con este obxectivo, elaboraron un coidado e orixinal material promocional destinado, principalmente, os turistas rusos, alemáns e ingleses.
 

Empregando España como reclamo e Galicia como referencia, a Mancomunidade busca que o Salnés supere as nosas fronteiras.

Nesta nova estratexia turística, a Mancomunidade apóiase en materiais de promoción dispoñibles en inglés, alemán, ruso e castelán. Ademais dunha aplicación para teléfonos intelixentes e unha guía turística, distribuiranse vídeos específicos para os mercados internacionais elaborados por esta casa.

Nesta aposta, a Mancomunidade conta co apoio da Axencia Galega de Turismo.

Unha colaboración público-privada que se pode escenificar o vindeiro xoves, en Rusia. A Axencia Galega de Turismo asistirá á Feira sectorial do país.