O director xerente de Galicia Calidade, Alfonso Cabaleiro, e o director da Casa de Galicia en Madrid, José Ramón Ónega, presentaron onte o programa de actividades que se desenvolverán hoxe venres e o sábado no mercado madrileño de San Antón, un dos recintos comerciais máis populares da cidade, onde se amosará a excelencia dos produtos gastronómicos galegos mediante showcookings, degustacións ou demostracións en directo.
Na rolda de prensa, na que tamén estiveron presentes o premio nacional de gastronomía Kike Piñeiro e o barista Óscar de Toro, Alfonso Cabaleiro sinalou que accións coma esta son “fundamentais” na procura dos obxectivos de Galicia Galicidade, marca de garantía para certificar os produtos galegos de calidade e para promocionalos fóra da comunidade galega. Ademais sinalou que na actualidade Galicia Calidade está dando pasos para consolidarse como unha marca multisectorial que camiñe cara a promoción de todos os sectores galegos. José Ramón Ónega incidiu en que Galicia Calidade é o certificado de calidade diferenciada de Galicia, con máis de 300 produtos de máis de 50 empresas certificadas.
Maís información e detalles do evento na nosa anterior entrada .... http://cxusto.blogspot.com.es/2014/03/arousans-en-chueca-madrid.html
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.