CONTINUAN AS OBRAS DA ALTERNATIVA DA AVDA DA PASTORA

Despois de moitas dúbidas e clima pouco propicio para as obras, operarios do Concello de Cambados e maquinaria da Deputación encóntranse xa traballando nas obras de explanación e acondicionamento do camiño de San Roque coa previsión de que se conclúan en duas ou tres semanas. Con estes traballos vaise proceder á apertura de gabias para canalizar e canalizar as augas que, na época invernal se acumulan nesta vía situada entre a rúa Castelao e a zona dos Olmos.

A intervención levará consigo a escavación do trazado, que se encherá con pedra e posterior afirmado da calzada. Con esta actuación, está previsto que os veciños da avenida da Pastora que posúan tractores poidan utilizalos a partir desta primavera para realizar os labores agrícolas.

Segundo informa o Concello de Cambados, este vial foi a alternativa elixida para a circulación de tractores, despois da habilitación do sentido único na dirección do tráfico na avenida da Pastora.

 

Pero queda pendente a sinalización que habilite o paso a este camiño toda vez que haberá un tramo duns 50 metros por onde discurran os tractores que é dirección prohibida.