A Consellería de Cultura, Educación e Ordenación Universitaria lembra que ata o vindeiro 20 de marzo, está aberta a convocatoria de axudas Erasmus 2013/14 que poderá beneficiar a case 1.500 estudantes.
As ditas bolsas están destinadas aos alumnos e alumnas matriculados nas universidades galegas e que estean a estudar fóra de España grazas ao Programa Comunitario de Mobilidade Erasmus. Cómpre apuntar que a consellería destinará para este fin un total de 1.300.000 euros, mantendo así o orzamento do curso pasado que xa se incrementara nun 30% con respecto das anteriores convocatorias.
Os interesados poderán acceder a toda a información que precisen para realizar a súa solicitude ata o 20 de marzo de 2014,http://www.edu.xunta.es/web/node/11775.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.