UN ALBARIÑO ESPUMOSO DE CAMBADOS PROTAGONISTA NA TVG

O ano pasado, Mar de Frades sorprendeu brindando ao grande co primeiro albariño espumoso, Brut Nature, que logrou saír ao mercado amparado baixo a D. O. Rías Baixas. Este 2013 pechono brindando con todos os seus paisanos desde Televisión Galicia, desde a que os presentadores invitaron a todos os galegos a brindar tralas uvas con este sabroso espumoso, consolidado como o espumoso galego de referencia.
Recoñecido por crítica (premiado no Challenge Internacional Du Vin, Medalla de Prata no Concurso Mundial de Bruxelas e Medalla de Prata Excepcional no International Wines and Spirits Challenge (IWSC)) e público, volveremos celebrar de novo as Festas con este viño creado co método "champenoise".
O azul cobalto, tan característico da marca, domina na botella deste Brut Nature, elaborado segundo o método inventado na Champaña polo monxe Dom Pérignon (método champenoise), é dicir, cunha segunda fermentación en botella, a 12-13 ºC, envellecido con léalas ata o degüelle, cando se expulsan léalas e motiva a aparición da burbulla: potenciadora dos sabores a uva, que a fai perdurar ao longo dos anos.

Elaborado exclusivamente coa variedade albariño, preséntase amarelo dourado alimonado. En nariz móstrase fino, complexo e expresivo. Primeiro manifesta trazos da crianza en botella e un fondo de auga de mar, eucalipto e froitas brancas de profundo recordo ao albariño. Fondo de pan tostado e casca de amendoa. En boca é amplo, sabroso, cremoso e fresco. De novo aparecen as notas da variedade con final en boca grato e fresco.

A temperatura ideal para degustalo está entre os 4 e 6 ºC (cando aparece na contraeetiqueta o galeón azul). Acompaña maravillosamente a pratos sinxelos de peixe branco, bogavante e calquer marisco.