MARIANO RAJOY SO FALA DE FÚTBOL E CICLISMO

O presidente do Goberno, gran afeccionado ao ciclismo, non se quixo perder o pasado sábado o comezo da Volta a España en Vilanova de Arousa. Alí concedeu unha entrevista ao director de Radioestadio de Onda Cero, Javier Ares, o que sen dúbida é o mellor narrador de ciclismo deste país. 

Así é Mariano Rajoy, non quere ver aos xornalistas nin en pintura, salvo que sexa para falar de bicicletas ou do Real Madrid. Son as suas temáticas preferidas. A economía, o paro, o incumprimiento do programa electoral ou os sobres de Bárcenas, prodúcenlle, canto menos, preguiza. 

 Algunha confidencia si que fixo o presidente a Javier Ares. Coñécese que, de barbudo a barbudo, estableceuse unha certa confianza, que lle levou a dicir que esta vez non terá moito tempo para ver as etapas da Volta, porque o luns comeza o novo curso político e hai "moitas asignaturas que aprobar este ano". Tamén asegurou que ten intención de "estudar". Agardemos que estude como levantar o pais porque para jodelo non lle fixo falta, nin a el nin a os seus amigos. Seguramente en poucos meses poderá facelo con toda a intensidade que desexe, porque logo de mentir reiteradamente aos españois "a última vez en sé parlamentaria", todo fai indicar que o mandato de Rajoy está próximo a expirar. 

Non é que estea moito mellor o seu partido, que segundo todas as enquisas, non para de perder respaldo popular. Dino as que manexa o PSOE en Andalucía, e as encargadas polo propio PP no seu tradicional caladeiro de votos da Comunidade Valenciana, onde parece que os populares viven as vésperas do gran batacazo, que en 2015 poñerá punto e final a 20 anos de usufructo do Palau da Generalitat. E a mandatos máis lonxevos, ata, como o de Rita Barberá, que leva instalada no Concello de Valencia desde 1991.