En toda España, o paro baixou en 225.200 persoas no segundo trimestre respecto ao trimestre anterior, un 3,6% menos, situándose o número total de desempregados en 5.977.500 persoas, por baixo da cota dos seis millóns de parados.
No caso de Galicia, a comparación dos datos cos do mesmo trimestre de 2012 arroxa un aumento de 12.300 parados na comunidade, o que representa unha subida do 4,45%.
Os datos do instituto estatístico mostran que no segundo trimestre do ano non se destruíron empregos, ao permanecer invariable o número de ocupados nos 998.500. Entanto, na comparación interanual, a destrución de emprego chega aos 35.200 postos, unha caída do 3,41%.
Así, fronte a unha taxa de paro do 22,4%, a taxa de actividade é do 54,72%. A taxa de desemprego é ligeramente superior entre as mulleres(22,62%) que entre os homes (22,19%).
En Galicia hai un total de 530.400 varóns ocupados e 151.300 parados, co que a taxa de actividade masculina é do 60,74%. En canto ás mulleres, a súa taxa de actividade é do 49,22% e son un total de 468.100 activas, fronte a 136.900 que están en situación de desemprego na comunidade, de acordo cos datos da EPA.
A EPA indica tamén que en Galicia hai 2.351.300 persoas con máis de 16 anos, o que representa un descenso do 0,23% en relación ao primeiro trimestre de 2012 e do 0,6% si se compara co segundo trimestre do ano pasado.
En canto á poboación activa, está composta por un total de 1.286.700 persoas, unha cifra que se mantivo prácticamente invariable en relación aos tres meses previos e que supón unha caída de 1,75% en comparación co segundo trimestre de 2013.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.