AS CIFRAS REAIS QUE OCULTAN OS GOVERNOS DE RAJOY E FEIJÓO

Son reais os datos sobre a baixada do paro?

 Xente que se nega a apuntarse ou a seguir indo para que lle selen a tarxeta,  nun INEM que só sirve para arreglar as prestacións, si se ten dereito a elas, e pouco máis. A continuación uns pequenos datos sobre o paro xuvenil que dan fe de que os datos que nos presenta o Governo central non son tan reais.



Licenciados universitarios, netos de campesiños, fillos de obreiro. Eles herdarán a Terra... pero non agora. Porque a xeración máis preparada e igualitaria de Galicia colle as súas maletas e protagoniza a Diáspora do século XXI. Entre 2002 e 2012, un total de 114.692 mozos abandonaron a nosa comunidade autónoma en busca de oportunidades. E quizais esa impactante cifra sexa unha das causas da caída do paro xuvenil en Galicia. O desemprego entre os menores de 30 anos baixou case un 13%, desde xuño de 2012.
Ao longo do último ano, 6.599 mozos desapareceron da lista do paro. Algúns atoparon traballo, moitos decidiron finalmente abandonar a súa terra. Soamente en 2012, marcháronse 12.673 mozos segundo datos do INE. A maioría proba sorte no resto de España, máis do 20% vanse ao estranxeiro. As últimas cifras sobre o desemprego entre menores de 30 anos, segundo datos da Consellería de Traballo, parecen invitar ao optimismo. 

Esta foto non é dun folleto de axencia de viaxes.

Actualmente, hai 45.368 parados: 4.141 menos que en mayo (unha baixada do 8,37%) e 6.599 menos que en xuño de 2012 (baixada do 12,7%). Pero por cada mozo que se borrou da lista do paro, hai dous mozos que emigraron.