PROTESTA CONTRA OS CIRCOS CON ANIMAIS

A Asociación Igualdade Animal, en colaboración co Refuxio de Cambados, protagonizou onte pola  tarde unha protesta en Cambados en contra do uso de animais en espectáculos. Fíxoo aproveitando a presenza dun circo no porto de Tragove. A protesta mobilizou a Policía Local e Garda Civil, pero non houbo incidentes.

Provistos de pancartas e repartindo todo tipo de folletos que levan ás diferentes cidades polas que pasan este tipo de circos -a de onte foi a sexta protesta suscitada ante a mesma empresa circense-, os ecologistas, naturalistas ou animalistas insistiron en que usar animais nos circos é "maltrato". Logo de pedir ao alcalde, por carta, que Cambados convertésese na novena cidade galega que prohibe este tipo de espectáculos, os activistas despregaron unha gran pancarta na que podía lerse: "Non poden esperar máis, dereitos para os animais xa". Estaba flanqueada por carteis de menor tamaño que dicían: "Os circos non son divertidos para os animais", "Todos os animais merecen respecto" ou "Todos os animais queremos ser libres". Mentres tanto, os responsables do circo insisten en que os seus animais nacen e se crían en cautividad, e desde logo negan o maltrato e aseguran que os seus animais "están consentidos e son felices".