O ESTATUTO DOS TRABALLADORES E O PP, SEGUNDO "GURTEL"

A secretaria xeral do PP, María Dolores de Cospedal, anunciou que Jesús Sepúlveda, ex alcalde de Pozuelo de Alarcón, en Madrid, e ex marido da ministra de Sanidade, Ana Mato, deixou hoxe mesmo de prestar servizos no partido.

Así o anunciou Cospedal na rolda de prensa tralo  Comité de Dirección do PP cando  lle preguntaron polas funcións no partido de Sepúlveda, imputado no caso Gürtel. "Pareceunos oportuno terminar esa relación laboral", dixo a Cospedal dirixente  quen subliñou que para iso se lle aplicará a lexislación actual en vigor. Algo que fai uns dias pouco menos que era "contranatura".

Recordemos que 4 de febreiro o vicesecretario xeral de Organización, Carlos Floriano, dixera que o PP non podía botar a Sepúlveda porque o Estatuto dos traballadores ''amparábao" e segundo devandita norma, asegurou, "os imputados non poden ser despedidos legalmente". Polo visto so amparaba a os traballadores do PP o resto dos traballadores podía ser despedido pois non lle afectaba ese Estatuto.


Onte  Cospedal apuntaba que ao PP pareceulle "oportuno" terminar con esa relación laboral. "Tendo en conta a situación que se provocou, este partido ten que ser consecuente co que pensa tamén que debe ser unha conduta exemplar", precisou. E apostilou: "Pareceunos que tiñamos que obrar así. Non pasa nada. Rectificar é de sabios e non teño ningún problema en dicilo", apuntou Cospedal, quen insistiu en que para despedir a Sepúlveda "váiselle a aplicar a lexislación vixente".