O vindeiro venres no pavillón municipal de Fontecarmoa e contará coa participación de institutos tanto da capital arousá, como de Cambados, Ribeira e Vilanova de Arousa. O obxectivo é promover o hábito do deporte entre a mocidade e previr que caian no mundo das drogas.
Non é o primeiro torneo Panos Brancos, pero si a primeira vez que se fai coa participación de varios municipios. Un evento que nace coa intención de perpetuarse e de ir rotando por outros pobos en vindeiras edicións.
Unha ducia de institutos, máis de 150 alumnos de Cambados, Vilanova, Vilagarcía e Ribeira, participarán neste torneo. Cada un dos concellos acudirá á cita cunha selección nas modalidades de fútbol e baloncesto. Os equipos serán mixtos e coma sempre, o carácter competitivo é secundario.
A Fundación conta coa colaboración dos concellos para realizar esta actividade. No acto de presentación estiveron a concelleira de deportes de Vilagarcía, Elena Suárez e mailo tenente alcalde cambadés, Antonio Iglesias.
Os actos do torneo arrancarán ás dez da mañá coa firma da Bandeira Branca contra a Droga polos deportistas participantes. Logo celebraranse os partidos e posteriormente contra as 13 horas porase o peche coa entrega de trofeos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.