ANOVA PRESENTARASE ESTE SÁBADO EN CAMBADOS

Anova celebrará este sábado en Cambados a súa presentación oficial nunha asemblea aberta á participación cidadá, onde ademais abordaranse as problemáticas presentadas polos asistentes referentes á localidade. A presentación correrá a cargo de Ismael Gómez e Xurxo Charlín, membros do grupo de Cambados, así como Enrique Oubiña, concelleiro en Ribadumia. O membro da coordinadora comarcal do partido, Ramón Mouriño, explicou que a cita enmárcase no seu proceso de estructuración e organización a nivel galego e comezará ás 19 horas no Centro Socio Cultural da Mercé. Mouriño engadiu que como todos os actos terá un carácter aberto, podendo asistir e participar no mesmo todas aquelas persoas que o desexen, en especial aquelas que "queiran mudar as cousas en Cambados é en Galicia, aportando ou seu grao de area para facer un mundo máis xusto e igualitario". De feito, fixo un chamamento tamén ás persoas da capital do albariño que apoiaron a candidatura de AGE, encabezada por Xosé Manuel Beiras, e que queiran colaborar para a consolidación dun novo referente do nacionalismo e da esquerda. O formato do acto de presentación de Anova, os seus principios éticos-políticos, explicación dos modos de funcionamento e o que se pretende en Cambados; e logo abrirase un espazo de tempo para o debate e a participación dos presentes. A presentación correrá a cargo de Ismael Gómez e Xurxo Charlín, membros de Anova-Cambados, así como Enrique Oubiña, edil en Ribadumia. Ademais, a reunión aproveitarase para expoñer a nova visión sobre a situación do Concello de Cambados e escoitar aquelas cuestións de tipo local que os presentes quéiranlles trasladar. "O noso obxectivo é establecer un calendario de traballo e xuntanzas para afrontar actos de información e denuncia sobre temas que se expoñan", informou o membro da coordinadora comarcal.