O BNG TENTARÁ DE PAGAR A EXTRA AOS EMPREGADOS PÚBLICOS

O voceiro nacional do BNG, Guillerme Vázquez, anunciou a "vontade contundente" da formación nacionalista de aboar a paga extra aos empregados públicos nos concellos nos que ten responsabilidade de goberno, xa que, ao seu xuízo, a supresión desta retribución é "inxusta e inútil" e provocará a "máis crise nas  economías  locais".

Vázquez  falou en rolda de prensa logo de manter unha reunión de traballo con responsables municipais e parlamentarios do Bloque para abordar medidas contra os recortes anunciados polo Goberno central.

O voceiro nacionalista mostrou a súa "oposición contundente" á "redución do poder adquisitivo dos funcionarios", ao considerar que "afectará moi negativamente a pequenas e medianas empresas, ao tecido económico dos concellos e ao pequeno comercio".

Neste sentido, Vázquez anunciou a "vontade" da súa formación de aboar a paga extra aos empregados públicos nos municipios onde a formación nacionalista "teña responsabilidades e poida facelo".