A Feira Medieval de Pontearnelas dá un xiro este ano cara ó Camiño Xacobeo. Coincidindo ca aprobación da Ruta Espiritual do Salnés como variante do Camiño Portugués a Compostela, esta edición deste evento lúdico cultural ampliará a súa oferta centrándose na representación das peregrinaxes. E é que este ano esta Feira agarda contar ca presencia de numerosos peregrinos de verdade, que parten cara a Compostela polo camiño luso.
Estarán presentes na Cea de Confraternidade e tamén entre as moitas actividades de teatro, cetrería e obradoiros de oficios artesás, que este ano disparan a súa participación.
Con esta edición que terá lugar os 27 e 28 desta semana completarase a oferta de sol e praia do Salnés, cunha actividade que dá fe da riqueza cultural e patrimonial do Salnés.
Para integrarse mellor no ambiente festivo, a organización recomenda que se vaia vestido ó estilo do medioevo, ou nesta ocasión, tamén poden asistir ataviados como peregrinos.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.