ELECCCIONS NO CRDO RIAS BAIXAS

Os sindicatos con presenza en Rías Baixas non chegaron a un acordo para evitar as eleccións ao consello regulador, que se celebrarán o próximo 3 de xuño. O motivo non é outro que o desacordo que existe entre as principais organizacións agrarias con respecto a cuestións tan fundamentais como o rendemento da uva ou, o que é o mesmo, a cantidade de quilos por hectárea que poden recoller os viticultores.

«En Rías Baixas é imposible». Así de claro móstrase Francisco Bello , responsables de Xóvenes Agricultores. Noutras denominacións de orixe si houbo un acordo entre as formacións agrarias, pero na do albariño as posturas parecen demasiado afastadas. «Na anterior vendima caldeouse ou ambiente cos rendementos de tal maneira que non foi normal», argumenta. E iso provocou que as formacións se atopen, actualmente, «en posturas irreconciliables», engade.

 Uns argumentos que xa compartían en Unións Agrarias desde que deu comezo o proceso electoral. E é que esta formación fixo bandeira da defensa do incremento dos rendementos de produción. Unha loita que, na maioría dos casos, non contou co respaldo doutras organizacións agrarias. «Noutras zonas chegamos a acordos en base aos programas, pero en Rías Baixas non hai ningún punto de encontro», explica Xosé Ramón González, de UU.AA.

O prazo para presentar os acordos alcanzados en todos os censos e subzonas da denominación de orixe concluíu ás dúas da tarde de onte. Ata entón só se había feito público un pacto: o asinado no seu día polas cooperativas da denominación. En canto ás adegas, as máis pequenas están chamadas ás urnas. E é que tampouco hai acordo entre as tres candidaturas que se presentan para lograr un dos dous vogais en liza. Menos rifada estará a situación entre os grandes empresarios. No Salnés e O Condado só hai unha lista, o que tamén evitará os comicios neste censo.