MALAS PERSPECTIVAS SEGUNDO FUNCAS

A Fundación das Caixas de Aforros (FUNCAS) prevé que a taxa de paro alcance o 26,3 % en 2013 e que a economía retroceda o 1,5 % do PIB.

 Segundo as previsións económicas para España 2012-2013, Funcas estima unha caída da economía do 1,7 % para este ano, dato que coincide coas estimacións do Goberno, xa que a demanda nacional acentuará o seu descenso ata o 4,4 %, taxa que se

Aínda que pareza mentira esta é unha cola as portas dunha
oficina do INEM

 repetirá o ano que vén.
As caídas máis intensas espéranse nos trimestres centrais, engade o informe de Funcas, que indica que o consumo nacional está "en estado de postración". A Fundación de Caixas empeora ademais para este ano a taxa de desemprego prevista anteriormente e sitúaa no 24,5%, e espera un descenso máis acentuado cun maior número de desempregados para os dous próximos exercicios.

En canto á previsión do déficit do conxunto das administracións públicas, Funcas sitúao no 6,2% do PIB, nove décimas máis do que prevé o Executivo, e indica que o obxectivo do 3 % para 2013 cumprirase se se adoptan "novos recortes de gran calado no gasto público e incrementos substanciais no IVE e nos impostos especiais".

A CONFIANZA, O GRAN RETO
O documento engade que se acentuou a desconfianza dos investidores internacionais cara á economía española, agravándose a dificultade para obter financiamento. Segundo Funcas, os indicadores de consumo anuncian unha continuación na traxectoria negativa e tampouco o investimento en equipo albisca unha recuperación. Ademais, sostén que o crecemento das exportacións, que ata agora axudaran a manter a economía, evolucionarán dunha forma menos dinámica debido á recaída da economía europea.

 

O cadro de previsións indica que as vendas ao mundo crecerán o 3,3 % este ano e non recuperarán un maior ritmo de aumento ata 2013, cando subirán o 5,9 %. As importacións seguirán diminuíndo en 2012, o 5,5 %, e en 2013, o 3,1 %. Desta forma, o sector exterior achegará 2,7 puntos ao PIB este exercicio e 2,9 puntos o que vén.