UN NOVO PARTIDO POLITICO?

NACIONALISMO

Os galeguistas de centro dialogan para alcanzar unha ''confluencia política''

 

Dirixentes de varios partidos de centro galeguista ( APG, Converxencia XXI, PGD, PNG, TEGA) mantiveron un encontro para iniciar "un proceso de diálogo" para "traballar decidida e definitivamente na confluencia política e organizativa" destas organizacións.

Vazquez Padín

Á reunión asistiron Henrique Carvalho, presidente de Alternativa Popular Galega (APG); Carlos Vázquez Padín, secretario xeral de Converxencia XXI (CXXI); Alfredo Bea, secretario xeral do Partido Galeguista Demócrata (PGD); Rosendo Covelo, secretario de organización do PNG-PG; e Guillermo Sánchez Tojo, secretario xeral de Terra Galega (TEGA).

Freddi Bea

Nun comunicado conxunto, estas organizacións explican que "Galicia precisa un compromiso redobrado nestes momentos difíciles" e "esixe un novo impulso nestes momentos de crise, tanto económica como de identidade ".
Por iso, anuncian que inician "un proceso de diálogo que permita traballar decidida e definitivamente na confluencia política e organizativa" dos seus partidos.
 

R. Covelo

 Conclúen que se trata dun "proceso aberto a aqueles cidadáns e organizacións que teñan a Galicia como prioridade e o centro como espazo político de referencia".