A MAREA VERMELLA PECHA NOVOS BANCOS MARISQUEIROS

As análises obrigaron a pechar un novo banco de ameixa e de berberecho na ría de Arousa: entre Cambados, A Illa e Vilanova.
Deste xeito, só quedan dúas zonas operativas para o marisqueo nas Rías Baixas.
Unha zona é no fondo da ría de Arousa, entre Vilagarcía e Cabo de Cruz, e a outra é na ría de Vigo, na enseada de San Simón.
Polo momento, só están libres da toxina as Rías Altas e zonas como Baldaio, no concello de Carballo, e Camariñas.
No caso do mexillón, todas as bateas de Galicia están pechadas desde hai 12 días.
A Xunta recorda que as toxinas son froito dunha fermentación natural de algas microscópicas e insiste en que só o marisco etiquetado legalmente cumpre todas as garantías.