ROTA LITERARIA: O VIÑO E AS LETRAS DE VALLE-INCLÁN, ROSALÍA E CABANILLAS

O secretario xeral de Política Lingüística, Valentín García, participou esta mañá na inauguración das xornadas “Rota literaria: o viño e as letras de Valle-Inclán, Rosalía e Cabanillas” organizadas polo Concello de Portas e pola Universidade Nacional de Educación a Distancia (UNED).

No acto inaugural, Valentín García destacou a importancia deste tipo de eventos que combinan a literatura co patrimonio natural ou gastronómico “para achegar os creadores galegos e a lingua na que escribiron Rosalía e Curros ao alumnado universitario e ao público en xeral”.

Na inauguración deste encontro participaron tamén Víctor Estévez Casal, alcalde de Portas; Rocío Martínez Santos, responsable de actividades culturais da UNED; Beatriz Rodríguez López, directora do Centro Asociado á UNED en Pontevedra, e María Troncoso Abalo, coordinadora da Aula Universitaria de Portas.

Rosalía, Cabanillas, Valle-Inclán

As xornadas literarias que hoxe se inauguraron prolongaranse ata mañá, 8 de outubro, na Aula Universitaria de Portas e a súa contorna. Ábrense cunha “Rota guiada polas sendas de Domingo Fontán” a cargo de membros da fundación que leva o nome do ilustre cartógrafo e continúan con conferencias arredor da relación entre o viño e a obra literaria de Valle-Inclán, Rosalía de Castro e Ramón Cabanillas. Un recital poético-musical de composicións dos mencionados autores e visitas a viñedos e adegas completan o programa.

CURSO DE COMMUNITY MANAGEMENT FUNDACIÓN UNED

 A Fundación UNED desenvolve este curso Online para formar profesionais de Internet na contorna do Community Management. A súa finalidade é formar profesionais nun dos perfís máis demandados no mercado laboral no noso pais: o Community Manager ou Social Media Manager (Responsable de Comunidades Virtuales).

Un Community Manager é a persoa encargada de gestionar, moderar e desenvolver comunidades virtuales (en Facebook, Twitter, Youtube, etc.) en nome dunha marca ou empresa.

É fundamental que este profesional teña uns coñecementos sólidos sobre o sector onde traballa, marketing online, publicidade, comunicación; pero sobre todo debe coñecer as tecnoloxías 2.0. e as posibilidades das redes sociais, ser creativo, resolutivo, saber gestionar plans de marketing 2.0, dinamizar e traballar en equipo.

Neste curso estudarás e poñerás en práctica os labores que desempeña esta figura, obtendo unha visión xeral e práctica sobre marketing online e unha visión profunda dos medios sociais e as súas posibilidades como ferramenta de marketing.Aprenderás as tarefas propias deste perfil: como e cando publicar contidos, onde, como moderar un foro, escribir correctamente un blog, gestionar unha crise en medios sociais, etc. Pero tamén aprenderás a crear unha estratexia acorde aos obxectivos dunha empresa, executala, mantela e medir os seus resultados. É un curso teórico-práctico orientado á túa preparación como profesional.

A revolución que supuxo para as marcas e organizacións a web social ou 2.0. deriva nunha necesidade cada vez maior de integrar na súa organigrama empresarial a figura do Community Manager.

- Metodología: 100% online. 

- Precio: 650 € (este curso posee descuentos y bonificaciones). 

- Duración: 4 meses (19 de octubre de 2015 - 19 de febrero de 2016). 500 horas de formación certificadas. 

- Garantía: La Fundación UNED es un organismo de gran prestigio, en España y América Latina, gracias a su buena labor y tradición en la formación online y a distancia. 

Máis info descargar: Curso de Community Management.pdf

COMEZA NO MUSEO DO VIÑO O CURSO “ENOTURISMO: CONSOLIDACIÓN E MARKETING”

O Museo do Viño de Cambados acolle durante tres días este novo curso da UNED, o cal forma parte dos cursos temáticos que se celebran anualmente en dito museo. Ademáis da UNED, colaboran neste curso a Rede de Museos de Cambados, o Concello e a Ruta do Viño Rías Baixas.

O curso foi inaugurado este martes pola alcaldesa Fátima Abal, o concelleiro de Enoturismo José Ramón Abal, a secretaria da UNED en Pontevedra María Penado e a secretaria xeral de RECEVIN Carmen Ribes, ademáis de Alberto Ramos (director da Unidade Histórica de Estudos do Viño da Universidade de Cádiz) e Óscar Rodil (profesor de Economía Aplicada da USC), encargados de dar comezo ao curso.

Os alumnos poderán analizar durante estes tres días diferentes propostas de territorios tan diversos como Andalucía ou Portugal, ademáis de recibir formación tanto teórica como práctica, e percorrerán a Ruta do Viño Rías Baixas a través dunha visita guiada.

Este evento súmase a outros como a clausura do pasado Congreso Internacional de Enoturismo, a través dos cales Cambados busca consolidarse como un dos referentes internacionais dentro da cultura do viño.

NOVO CURSO DA U.N.E.D. EN CAMBADOS

Una ano máis Cambados volve acoller durante o verán un curso da Universidade de Educación a Distancia (UNED). 
Do 2 ao 4 de xullo, no Museo do Viño, falarase sobre «Enoturismo, unha realidade en alza». O curso plantéxase como obxetivos analizar os diferentes aspectos dá corrente turística do enoturismo a través de tres xornadas presenciais, nas que profesionais do sector porán en valor os aspectos teóricos do turismo do viño e o mesmo tempo poidan estudar cos alumnos unha serie de exemplos a modo de práctica».
Presentaron o curso o alcalde, Luís Aragunde, a directora do centro da UNED de Pontevedra, Beatriz Rodríguez, e a directora da Rede de Museos municipal, Rocío Acha. «Ou enoturismo está de moda e desde Cambados estamos a intesnsificar esforzos», indicou Aragunde.
O prazo de inscripción permanece aberto ata o 30 de xuño e hai 50 prazas dispoñibles.

A UNED SEGUE A USAR TOPÓNIMOS EN CASTELÁN

Poyo, Villanueva de Arosa, Puenteareas, Orense, Carballino ou Arteijo. Así son as formas "correctas" para referirse a todas estas localidades galegas. É o que asegura a UNED na materia Comunicación Oral e Escrita en Lingua Española II, segundo asegura A Mesa pola Normalización Lingüística, recollendo unha denuncia dunha estudante da propia universidade.

Nos manuais e nos exames de dita asignatura recóllese, segundo A Mesa, "toda unha listaxe de topónimos galegos nos que as formas xenuinas e oficiais eran marcadas como incorrectas e se prescribía a súa substitución polas formas deturpadas en español". Polo tanto, o alumnado vese obrigado a corrixir os topónimos oficiais polas formas castelanizadas que son sinaladas no manual.

A Mesa critica que no citado manual déase a entender que só as administracións públicas deben respectar a legalidade en cando aos topónimos se refire, ao entender que é "absurdo" pretender que se estenda aos ámbitos non oficiais. Cualifican ademais como "falaz e demagóxico" situar o respecto á toponimia galega "no mesmo saco que o uso de toponimia inglesa, alemá ou neerlandesa".

Segundo este colectivo, a doutrina transmitida polo manual é contraria aos propios estatutos da UNED, "nomeadamente o seu artigo 5 que sinala como unha das súas misións fundamentais ou apoio ás linguas e culturas de España".

Por este motivo desde a asociación en defensa da lingua galega anunciaron que tomarán medidas para esixir que a UNED "institución amplamente subvencionada por concellos e deputacións galegas, alén de polos impostos que pagamos todas e todos" respecten a toponimia galega, "única xenuina, oficial e correcta" dos nomes das localidades galegas.