UNHA XUÍZA DE CAMBADOS NO TRIBUNAL SUPERIOR DE XUSTICIA DE GALICIA

A xuíza, Sonia Rey Salgueiro, do xulgado Mixto número 1 de Cambados será un dos novos membros da Sala de Goberno doTribunal Superior de Xustiza de Galicia (TSXG).

O Tribunal Superior de Xustiza de Galicia (TSXG) celebrou onte martes eleccións, por acordo do Consello Xeral do Poder Xudicial ( CGPJ), para designar aos sete membros electos da Sala de Goberno, un órgano interno dos xulgados e tribunais galegos que cumpre tarefas organizativas e administrativas. Segundo informaron fontes do TSXG, a Sala de Goberno está formada por sete membros da xudicatura natos e por outros sete electos, ademais da secretaria de Goberno. Nos comicios deste martes participaron 269 xuízas e xuíces de toda a comunidade autónoma e os elixidos son todos todos membros da Asociación Profesional da Magistratura ( APM), engadiron. En concreto, os membros electos deste órgano son María Teresa Cortizas González-Criado, da sección primeira da Audiencia Provincial da Coruña; Germán Serrano Espinosa, do xulgado do Social número 2 de Vigo; Carmen Veiras Suárez, do Contencioso Administrativo número 1 de Santiago; e José Luis Deaño Rodríguez, do xulgado de Primeira Instancia 5 de Lugo. Así mesmo, tamén foron elixidos Daniel Tomás López, do órgano de Primeira Instancia número 15 de Vigo; Ana Fernandez-Porto Vázquez, do xulgado de Instrución número 3 de Carballo e a mencionada Sonia Rey Salgueiro, do xulgado Mixto número 1 de Cambados.

A DEMANDA POLAS ELECCIONS NAS CONFRARÍAS CHEGA A O TSXG

O Tribunal Superior de Xusticia de Galicia (TSXG) estuda unha demanda presentada pola Agrupación de Productores de Parques de Cultivo de Carril (Vilagarcía) canalizada pola Fiscalía. A denuncia diríxese contra a Consellería do Medio Rural e do Mar e prodúcese "por mor da inactividad" da Administración, que non convoca eleccións nas cofradías de mariñeiros galegas desde fai anos.

Basicamente os parquistas e membros de outras confrarías como a de Cambados consideran vulnerados os dereitos dos seus socios pola tardanza na renovación do cabildo, e o que queren é concorrer ás eleccións para ter a oportunidade de formar parte da nova xunta xeral, ou ata liderarla e facer que patróns maiores inmersos en procesos xudiciais sigan a levar as rendas dalgunhas confrarías como está a suceder.

Hai que recordar que cando o PP chegou ao poder, no ano 2009, e empezou a tramitar a nova Lei de Pesca de Galicia, anunciou que pospoñería a cita electoral en todos os pósitos da comunidade para así buscar unha data na que puidese celebrarse o proceso de forma conxunta, en todos á vez.

Deste xeito a consellería intentaba poñer un pouco de orde neste tipo de procesos, aínda que iso supuxese que algúns cabildos visen prolongado en exceso o mandato que tiñan encomendado cando concorreron ás eleccións. O que sucede é que transcorrida toda a legislatura esa convocatoria non se produciu aínda, aínda que é certo que en Mar aseguran que as eleccións nas cofradías galegas vanse a celebrar este ano.