AUMENTAN AS VOCACIÓNS SACERDOTAIS/POLÍTICAS

Rafael Louzán tivo onte a desfachatez de facer un mitin político desde o púlpito da igrexa de Bamio.
Nese mitin/homilía prometeu arranxar os problemas que afectan ao Cemiterio Municipal desa parroquia.
Serán 20.000 euros as que o ente provincial entregará aos veciños de Bamio para pagar as obras do muro de contención feitas no camposanto.
Non será a única actuación prevista estes meses na parroquia. E é que en escasos días as máquinas da Deputación de Pontevedra se trasladarán a Bamio para

realizar unha actuación que servirá para afianzar a bandeira azul da praia do Campanario, segundo explicou o alcalde, Tomás Fole.
Segundo Louzán desde o púlpito político advertiu que "prometer e non cumprir dende aquí é dobre pecado".
A Deputación é unha institución que non moveu un dedo, non descartamos que o faga en poucos dias, para

arranxar ou cando menos estudiar a situación do Cristo de Santa Mariña.

Aquí podes ver o vídeo do sermón publicado por "LA VOZ DE GALICIA"

OS SOCIALISTAS DE VILAGARCÍA DENUNCIAN A TOMÁS FOLE NOS XULGADOS

O Partido Socialista de Vilagarcía, a través da súa voceira municipal Tania García, presentará mañá nos xulgados de Vilagarcía unha denuncia contra o Alcalde de Vilagarcía, Tomás Fole, por presuntos delitos de prevaricación e tráfico de influencias. Os socialistas creen que a deriva na que entrou o Alcalde respecto ao tema da instalación dunhas pistas de pádel en Vilagarcía, que se están a preparar no Porto, levouno a vulnerar a lexislación en materia urbanística. Dende o Partido Socialista plantexan que alertaron do inicio das obras sen licenza durante a pasada semana, e que solicitaron a través dos medios de comunicación e por escrito no propio Concello que se paralizaran, a instancias da Lei 9/2002, de 30 de decembro de Ordenación Urbanística e Protección do Medio Rural de Galicia, que no seu artigo 209.1 é suficientemente explícita indicando que:

Cuando se estuvieren ejecutando obras sin licencia u orden de ejecución, o sin ajustarse a las condiciones señaladas en las mismas, el Alcalde dispondrá la suspensión inmediata de dichos actos y procederá a incoar el expediente de reposición de la legalidad comunicándoselo al interesado.

A tenor da lexislación os socialistas ven claro que o Alcalde debería ter paralizado de inmediato as obras, e sen embargo anunciou públicamente que era coñecedor de que a licenza non estaba aínda aprobada pero que non tiña intención de frear as obras. Ante o coñecemento dunha ilegalidade sobre a que ten a obriga de intervir, pero constatando que non o fará, os socialistas consideran que a denuncia por presunta prevaricación é necesaria para garantir o respecto ás leis e ao ordenamento xurídico.

Dende o Partido Socialista prepararon tamén un relatorio dos feitos ocorridos dende as primeiras intencións do Alcalde de facilitar a instalación das pistas de pádel en Fexdega, que valoran que amosa a intencionalidade de favorecer a unha empresa concreta vulnerando a lexislación. Para o PSdeG esta situación constitúe un presunto delito de tráfico de influencias polo que tamén denunciarán ao Alcalde.