ESPECIAL LETRAS GALEGAS NO RIF-ROCK

O sábado 21 no RIF-ROCK haberá un especial das Letras Galegas.
Será unha noite para repasar o VENTO MAREIRO de Ramón Cabanillas, un proxecto de poesía e música, no que KEVI ARAGUNDE leva moito tempo traballando con moito coidado e agarimo, e interpretará xunto con Karlos Abal por primeira vez en público, ademáis de algún convidado sorpresa máis.
Para o poster empregouse a ilustración que realizou Castelao para a segunda edición de Vento Mareiro de 1921.

Apuntade: Sábado 21 de maio, dende as 23:45h.


Non vo-lo perdades!!

CONCERTO NO RIF-ROCK ESTE SÁBADO

Este sábado máis música en directo no RIF-ROCK de Cambados.
THE EVEN FLOW EXPERIENCE! en concerto, a banda residente dá casa, aínda que agora teñan menos tempo.
Victor e Manolo man a man con dúas guitarras, para face-o seu repertorio, sempre actualizado, e esas sorpresas que habitualmente aparecen nos seus directos.

Sábado 7 de maio dende as 23:45h.

Non vo-lo perdades!!

DEAD WOOD EN CONCERTO NO RIF ROCK

Este sábado volven ó Rif-Rock o trío favorito do local DEAD WOOD!! 
O trío rematou recentemente o seu primeiro traballo, e para anunciarnos unhas cantas novidades. O Sheriff Lorre, Breo Gun e Mr. Bam Bam (alias Rufus el Guarro) co seu espectáculo habitual, encomendados de novo ó espiritu do chief comanche Tosh-a-wah, nunha noite que será moi especial, con despedidas, presentacións e convidados.


O Sábado 30 de abril, dende as 23:45h.


Non vo-los perdades!!

ISI VAAMONDE AND THE NEW SCHOOL EN CONCERTO

Este sábado  ISI VAAMONDE & THE NEW SCHOOL en directo!  No RIF-ROCK
Logo da súa presentación o mes pasado coa nova banda, Isi Vamonde chega ó Rif-Rock acompañado por Rubén Iglesias, David Falcón, Jesús Caramés e Bruno Barreiro: NewSchool! Ese é o nome da nova banda liderada por Isi.
E despois do concerto, a sesión de garage de Comomepós que xa estaba programada para esa noite.
Unha noite ben completa. 
Non vo-lo perdades!!

BREAKIN’ BONES EN DIRECTO NO RIF ROCK

O vindeiro sábado 13 de febreiro,  de novo os BREAKIN’ BONES no Rif-Rock!!
Con nova formación, novos temas, e o seu show habitual.
O mellor espectáculo de psychobilly do pais.
E ademáis despois do concerto, sesión a cargo do SHERIFF LORRE dende a cabina. Unha noite espectacular!!

Non vo-lo perdades

DEAD WOOD EN CONCERTO NO RIF-ROCK

Esta semana o Rif-Rock sigue coa música en directo. 
O sábado 19 de setembro volven DEAD WOOD!! O noso trío favorito, con novos temas, vellas historias, aventuras fantásticas de pantasmas, foraxidos e maldicións, e por suposto o show de cada día de Mr. BamBam. O mellor espectáculo en pequeno formato que poidades ver na actualidade. Non vo-los perdades!!
http://rifrockerz.blogspot.com.es/

NOVA TEMPADA NO RIF

Este sábado 12 de setembro comeza a tempada no Rif Rock Rúa Infantas,13 / Pr.Alfredo Brañas,Cambados con THE EVEN FLOW EXPERIENCE marabilla de concerto para arrancar despois do verán. Karallada e Manolo en acústico man a man co seu repaso polos anos 90s E despois do concerto segue a festa con sesión de Kurco SoundSystem na cabina ata o peche Todo dende as 23 45h Unha noite ben completa. Non vo lo perdades.

7ª FESTA DO BIGOTE NO RIF ROCK DE CAMBADOS

O próximo 2 de agosto Domingo do Albariño o RIF ROCK e CTK convócanvos a unha nova celebración da solemne FESTA DO BIGOTE na súa 7ª edición E este ano cun colaborador de luxo PC Barbería A continuacion tede las bases Coma tódo los anos estivemos a piques de facer uns cambios revolucionarios nas bases do concurso para esta ocasión pero ao final decidimos facer un copia e pega dos anos anteriores así que aquí tedes as BASES DO CONCURSO.........

Coma tódo-los anos, estivemos a piques de facer uns cambios revolucionarios nas bases do concurso para esta ocasión, pero ao final decidimos facer un copia e pega dos anos anteriores, así que aquí tedes as BASES DO CONCURSO para a 7ª FESTA DO BIGOTE:

- A Festa do Bigote comeza oficialmente no Rif-Rock despois dos fogos do domingo que clausuran as festas do Albariño (domingo 2 de agosto, ou sexa que para os tikismiquis, como é despois da medianoite pois na madrugada do dia 3). 

- Prégase a tódo-los asistentes que aparezan con bigote, auténtico ou non.

- O que non leve o mostacho posto acudirá únicamente baixo a súa responsabilidade.

- A organización non se fai responsable dos accesorios que outros asistentes lle poñan na cara.

- Este ano teremos novamente tres categorías a concurso:
o Bigote Absoluto, o Bigote Falso e Mellor Disfraz.

Categoría BIGOTE ABSOLUTO (Campión da Festa do Bigote):
· todo pelo natural na cara do suxeito participante.
· valorarase tamaño, lonxitude e orixinalidade.
· lembrade que se trata de bigotes, nin perillas nin barbas, Bigotes!!

Categoría de BIGOTE FALSO:
· inclúense nesta categoria os mostachos falsos: pintados ou postizos, de calquer tipo.
· coma na categoría anterior, preferiblemente na cara.

Categoría de Mellor DISFRAZ:
· roupa, maquillaxe, interpretación... calqueira cousa pode suxestionar ó xurado.

- A entrega de premios se celebrará aproximadamente entre as 2:30 e a 3:00h. da madrugada, (aínda que a festa durará un par de horas máis) tra-la deliberación do XURADO, que estará formado polos responsables do Rif-Rock e Cambados(TK).

- Os aspirantes deberán estar no local durante a deliberación (e un pouco antes, para que os poidamos ver con tempo e valorar axeitadamente) así como para a recollida do premio, de non ser así, realizaríase unha nova deliberación.

* E por suposto: a organización resérvase o dereito de retirar, suspender ou rectificar o concurso e modificar o contido das presentes bases en calquera momento no suposto de que aconteza algún tipo de circunstancia imprevista que estea fora do seu control razoable.

** Para reclamacións, denuncias de complot e demáis percances, mellor que o traides todo de casa por escrito con antelación, que igual o día seguinte xa non nos lembramos...

***o xurado non admitirá sobornos en sobres pechados, por favor, os cartos á vista!!!

Se hai máis novas seguiremos informando neste blog dos RifRocKerZ ou na nosa páxina de facebook.
http://rifrockerz.blogspot.com.es/
https://www.facebook.com/rifrock.cambados

O RIF-ROCK CUMPRE 16 CON BOA MÚSICA

O pub máis veterano de Cambados cumpre 16 anos e para elo ten preparado grandes eventos.
Este mes de xullo o RIF-ROCK cumpre 16 anos E para celebralo agasállanos con tres moi boas actuacións. 

En xullo do 2015 o Rif-Rock cumpre 16 anos. Dende aquel 2 de xullo de 1999 no que abrimo-las nosas portas. Para celebralo con todos vós, esto é o que temos preparado, todo concentrado nun mesmo fin de semana. Será o Venres 10 e o Sábado 11 de Xullo, e coma sempre, cun par de propostas en directo. Igual que nos últimos anos seguimos coa idea de presentar a unha nova banda, xunto con outra das que xa consideramos da casa. E logo a música seguirá dende a cabina:
Aquí tedes o programa completo que temos preparado para celebralo.

-Venres 10 de xullo 
LITTLE JUICE en directo dende as 23:45h.
+ sesión de Marinocha & Comomepós.

-Sábado 10 de xullo 
THE SHARKNADOOS en directo dende as 23:45h.
+ sesión de PauPau-a-GoGó!.


Máis Info

THE EVEN FLOW EXPERIENCE!! NO RIF ROCK ESTE SÁBADO

O RIF-ROCK convídanos a o concerto deste sábado na sua páxina de facebook:
Xa tocaba retoma-la música en directo despois do verán.
E ademáis vai a ser un deses shows que nos encanta anunciar:
THE EVEN FLOW EXPERIENCE!!
O Sábado 27 de setembro, dende as 23:30h. 

Victor Karallada e Manolo Serantes, que durante moito tempo formaron a banda residente do noso local, e volven 5 anos depois do seu último concerto recuperan o seu proxecto acústico no Rif-Rock.
Qué ganas de volver a velos!!
E para continua-la noite, seguirá KURCO SoundSystem dende a cabina. 
Un plan perfecto para remata-lo mes!!

15 ANIVERSARIO DO RIF ROCK

En xullo cumpre 15 anos o Rif-Rock!!
E aquí tedes o programa especial que nos teñen preparado para celebralo.

Venres 11 Xullo
NORTHERN LIGHTS
en concerto dende as 23:30h.
+ sesións de KURCO & MARINOCHA!!

Sábado 12 Xullo
BREAKIN' BONES
en concerto dende as 23:30h.
+ sesión de MICHI CALAMBRES!!.

A comezos de xullo do 2014 o Rif-Rock cumpre 15 anos, dende aquel 1999 que abriron as portas. Para celebralo con todos, esto é o que nos teñen preparado, todo concentrado nun mesmo fin de semana, o venres 11 e o sábado 12 de Xullo, coma sempre con varias propostas de música en directo e as súas correspondentes sesións.

15º ANIVERSARIO do RIF-ROCK!!

O Venres 11 vos presentamos en directo ós NORTHERN LIGHTS. Unha nova banda surxida da banda de surf 4 Waves, cunha nova proposta, cun formato de dúo acústico, e que se lanzan a facer os seus propios temas. Non vos perdades a súa estrea mundial.
E despois co concerto teremos ós dous máis habituais na nosa cabina: Marinocha & Kurco SoundSystem!! Non sei que máis lle podedes pedir a un venres!!

E o Sábado 12, noite por todo o alto, coa mellor banda de psychobilly do pais. Volven ós BREAKIN' BONES ó Rif-Rock!! Para nós é todo un luxo que unha das nosas bandas favoritas estén nesta data tan sinalada. Si xa os coñecedes repetides seguro, e se vos falaron do seu show, seguro que non vo-lo perdedes.
Para redondear a noite o noso gurú Michi Calambres tomará os mandos da nosa cabina, para outra das súas espectaculares sesións.

Non vo-lo perdades! Promete ser un fin de semana bestial!!
http://rifrockerz.blogspot.com.es/

 Info+imaxes: RIF-ROCK

SHARKNADOS EN CONCERTO NO RIF ROCK

O Sábado 21 actuarán no Rif Rock de Cambados THE SHARKNADOOS en concerto, en formato acústico, con David Falcón e Rubén Iglesias ás cordas, e Andrea Area na voz.
Coma sempre con entrada libre, e dende as 23:30h. 
Non vo-lo perdades!!

DAVID FALCON O SÁBADO NO RIF

          A dose de música en directo deste mes será o sábado 21 de 

              decembro, con David Falcón como protagonista e algunha 

                        sorpresa máis que xa está preparando. 

                Sábado 21 dende as 23:30h. e con entrada libre coma 

                 sempre... Non vos perdades o último concerto do ano!

                     Máis info:   http://rifrockerz.blogspot.com.es/ 
  

DAVID R. VALEIRAS NO RIF ROCK O VENRES 23

O Venres 23 teremos en directo no RIF ROCK ó ourensán DAVID R. VALEIRAS,  por suposto da man de Comomepos Produccións, a nosa cacharrería cultural favorita!!

"Chegado dende Ourense, David R. Valeiras ven coas súas dúas únicas armas: a súa guitarra e o seu kazoo (isto último está por ver...). De verborrea incontrolable e serio semblante, mostrará as súas múltiples caras a través do seu repertorio. I é que este fillo bastardo de Javier Krahe non se anda con rodeos".

Retorcido, incisivo e divertido. Se estivéchedes no seu concerto do ano pasado seguro que repetides, e senón, non vo-lo perdades!!

E por se fora pouco, ó remate do concerto, o productor Comomepos, tomará os mandos da cabina do Rif-Rock unha vez máis para ofrecernos unha das súas sesións ata o final da noite. Non se pode pedir máis para un venres!!


Lembrade, será o próximo Venres 23 de agosto, coma sempre dende as 23:30h. e con entrada libre.

E o Sábado 24 o debut de CHIEF BROMDEN na cabina do Rif-Rock, como convidado de luxo dunha nova entrega da serie "Fuck'U Whiteys... Black Grooves!!"
Máis info en: http://rifrockerz.blogspot.com.es/