ASESORES, XESTORES E CONTABLES PIDEN FLEXIBILIZACIÓN AO GOBERNO

En defensa do colectivo, notifican ao Goberno, que nas condicións actuais non poden presentar correctamente as liquidacións dos seus clientes-contribuíntes. Os Asesores Fiscais insisten na necesidade de ampliación de prazos para presentar os impostos en nome dos autónomos, pemes e declarantes do IRPF. Na situación que estamos a vivir non se cumpren as condicións necesarias para facer o seu traballo coas mínimas garantías de responsabilidade e seguridade. Polo tanto esixen á Administración Tributaria o cumprimento cooperativo das obrigacións tributarias na colaboración social na aplicación dos tributos, tal e como establecen os artigos 92 e 93 da LXT.

CHARLA INFORMATIVA: DEVOLUCIÓN DO IRPF E AXUDAS Á MATERNIDADE E PATERNIDADE EN VARIOS CONCELLOS DO SALNÉS

O CIM da mancomunidade do Salnés organiza unas charlas informativas en varios concellos da comarca sobre a devolución do IRPF e axudas á maternidade e paternidade, que en Cambados terá lugar o 13 de novembro, ás 19:00, en Exposalnés.

O 14 será en Meis, na Casa Escudero as 19 horas. E os días 15 e 16 a mesma hora en Vilanova de Arousa e Ribadumia respectivamente, ámbalas dúas no salón de plenos de cada casa consistorial.

O CONCELLO DE CAMBADOS INVESTIGADO POLAS OBRAS DO "PLAN E"

Hai uns días se daba a coñecer que o Ministerio de Facenda está a investigar 59 proxectos do denominado “Plan E”, correspondentes a  45 concellos  galegos, entre os que se encontra o de Cambados. Semella que esta revisión do Ministerio ten como finalidade a comprobación do correcto uso das inversións realizadas nos respectivos proxectos e, polo tanto, de non cumprirse as esixencias orixinalmente marcadas neste plan, os concellos infractores estarían obrigados ao reintegro do investido irregularmente.

O B.N.G. que sexan contestadas as seguintes preguntas con relación a este tema;

• 

  1.- Que obras realizadas en Cambados, dentro do “Plan E”, están a ser obxecto de investigación en relación con este caso?
• 2.- Que orzamento tiñan ditas obras?
• 3.- A que empresas lles foron adxudicadas?
• 4.- Houbo baixas nas adxudicacións?
• 5.- Abríuselle, nalgunha obra, expediente de reintegro?.             

EMIGRANTES RETORNADOS MANIFÉSTANSE MAÑÁN

Mañan martes ás 11h. manifestación comarcal diante da facenda en Vilagarcía de Arousa.
A Plataforma de Emigrantes Retornados da Comarca do Salnés continúa coa súa axenda de mobilizacións para reclamar ao Goberno do PP a anulación das sancións impostas pola Axencia Tributaria por non ter declarado as pensións que reciben os emigrantes retornados desde outros países desde o 2008 e para reclamar un cambio lexislativo. Así, mañan martes, 2 de setembro, ás 11:00 horas, convocan unha manifestación comarcal, con saída do INEM de Vilagarcía,  ata diante da delegación da Axencia Tributaria en Vilagarcía de Arousa, a que convidamos e instamos a pelexar con nós aos: afectad@s, familiares, amig@s, veciñ@s e sociedade en xeral, xa que, por desgraza, vemos que o Goberno Español do PP está a meter man en tódalas caixas posíbeis con nocturnidade e alevosía...
@s emigrantes retornad@s pensionistas, con está manifestación, queren denunciar publicamente e dar a coñecer a toda a sociedade que están a denunciar que a Lexislación española provoca que os traballador@s emigrantes retornado teñen que realizar a declaración do IRPF a partir de 11.200 euros anuais de ingresos, cando o resto dos pensionistas só teñen que facela ao superaren os 22.000 euros e que o tipo impositivo que se lles aplica sexa superior, POR IDÉNTICAS CANTIDADES que aos que NON TIVERON QUE EMIGRAR.

É dicir, DENUNCIAN A DISCRIMINACIÓN de ter que pagar POR IDÉNTICOS INGRESOS máis que calquera outro contribuínte do Estado Español.

EMIGRANTES RETORNADOS PIDEN A FACENDA QUE SEXA SENSIBLE AS ALEGACIÓNS

Representantes de emigrantes galegos retornados pediron, ao delegado da Axencia Tributaria en Galicia, que Facenda "considere" as alegaciones polas multas de pensións percibidas no estranxeiro e non declaradas.
Pola súa banda, o delegado da Axencia Tributaria de Galicia trasladoulles "o compromiso de reconsiderar os prazos de pago", sinalou á portavoz de afectados de O Morrazo, tras unha reunión na Coruña.




Maruchi Alvarez avanzou, tras este encontro, que seguirán coa "presión social na rúa" e reclamando iniciativas políticas para que se busquen solucións a un problema que afecta a emigrantes retornados que nunca declararon a Facenda ese segundo pagador pese a que estaban obrigados.

A portavoz de afectados de O Morrazo recordou que, no caso das pensións percibidas en Suiza, reclámanselles o pago dos exercicios correspondente aos anos 2008 ao 2011 e ha cuantificado nuns 1.500 euros a cuantía da liquidación anual que deberían abonar os afectados, a metade en caso de "pronto pago", recordou.

Fronte á súa estimación, Facenda, segundo sinalou, díxolles que a media por liquidación anual estaría en 636 euros. "Nós non estamos de acordo", recalcou Maruchi Alvarez, quen sinalou que lles explicaron que a sanción media estaría en 264 euros e que o 90% dos perxudicados -cuxo número non especificar- optaron por pagar.

Pese a non ter datos, os afectados elevan a unhas 20.000 persoas as que se verían prexudicadas por esta situación. Para abordar o problema, reclaman, entre outras cuestións, que as súas alegaciones sexan tidas en conta, "porque nos primeiros expedientes foron denegadas", apostillou Maruchi Alvarez.

A PLATAFORMA DE EMIGRANTES RETORNADOS DO SALNÉS MOBILÍZASE

A plataforma de Emigrantes retornados do Salnés comeza a mobilizarse en demanda dunha solución o seu problema respecto á tributación das pensións percibidas por ter traballado no extranxeiro.
O colectivo levará este mércores 11 a sua situación ó Parlamento de Galicia e e o xoves 12 de setembro convocan unha asemblea informativa no Auditorio de Vilagarcía ás 8 da tarde, na que intervirá a deputada do BNG na Cámara Galega, Montse Prado, e o responsable da Plataforma, Xosé Lois Leirós.

Os afectados xa levaron mocións as corporacións municipais de Vilagarcía e Ribadumia, obtendo resultados desiguais.
I e que mentres en Ribadumia, as peticións dos emigrantes se aprobaban por unanimidade, en Vilagarcía o alcalde Tomás Fole resolvía en contra co seu voto de calidade, o que provocaba o abandono do pleno dos integrantes da plataforma.

Unha das suas principais reivindicacións é que se anulen as multas e intereses reclamados pola demora na realización da declaración e tamén que se amplíe o prazo concedido para pagar os impostos.
O colectivo tamén fai un chamamento á organización a través do enderezo emigrantesdosalnes@gmail.com ou do número 649 46 77 87

OS EMIGRANTES XUBILADOS TAMÉN EN PÉ DE GUERRA

Os atrasos dos últimos anos, con cantidades que oscilan entre os seis mil e oito mil euros, están sendo executadas este ano pola Axencia Tributaria, a un número todavia non definido- pero que se estima en varios miles- de emigrantes xubilados, en concepto de pensións cobradas no estranxeiro e non declaradas no noso pais. Ao parecer trátase dunha obrigación que teñen por lei os emigrantes retornados, a partir dos once mil euros de renda anual, fronte ao os dezaoito mil de calquera contribuyente, xa que a facenda pública considera que teñen dous pagadores. Unha circunstancia que colleu por sorpresa a este colectivo ata agora, e que pillou por sorpresa aos afectados, que esta mañá concentráronse ante as oficinas de Facenda en Pontevedra. Ante este estado de cousas, a concentración desta mañá fué aproveitada para constituír unha plataforma, contorna á xa existente no Morrazo, que defenda os seus dereitos, e evite o que -eles consideran- un abuso da axencia tributaria. Segundo a sua portavoz, Maruchi Alvarez, imponse unha modificación das normas tributarias, que lles aplique as vantaxes dadas ás grandes fortunas, coa amnistia fiscal.