ADEUS "PROFE" AMELIA

Foto "A ti meu Cambados"

O sábado un dia de choiva, gris e triste despedimos a "profe" Amelia. Deus ou quen fora tivo a amabilidade de que ese dia nas derradeiras horas de Amelia sobre a terra abrírase un claro. 
SeiS anos no colexio de A Pastora coma membro da Anpa e dous deles coma membro do Consello Escolar fixeron que tivera un trato con ela máis cercano cecáis que outros pais.
Nese tempo coñecín a unha muller tremendamente amante do noso idioma e autora de varios libros de texto de galego xunto con Olga Martínez e Begoña Pérez. 
Recordo coma resumía as enquisas que o equipo de Dinamización Lingüística mandaba para que os pais completáramos na casa e que as veces deparaba uns datos bastante tristes. Recordo a ilusión que lle poñía a "as Nosas Letriñas" para os que non sepades este é un proxecto impulsado polo colexio para levar a os máis cativos o "Dia das Letras Galegas" con autores vivos e con unha obra máis aproximada a sua idade. E que contou coa presenza de autores galegos que pasaron pola Pastora para que os críos os coñeceran.

        

Como non destacar tamén a sua labor coa revista do centro "COGUMELOS"

No seu funeral podíase ver gran cantidade de mozos e mozas, algúns deles ex alumnos e de seguro que Amelia coma profesora de Audición e Linguaxe correxiu a algúns deles/as esas "erres" mal pronunciadas ou outros pequenos problemiñas aos que prestaba moita atención e que trataba de correxir. 

Foise unha gran mestra, gran nai, gran muller e gran compañeira e amiga. 
                              
                                         ATA SEMPRE AMELIA




Artigo relacionado AS NOSAS LETRIÑAS

AS NOSAS LETRIÑAS

                         AS NOSAS LETRIÑAS

CONTACONTOS

Dentro do mes das Letras Galegas no colexio E.E.I. A Pastora de Cambados os alumnos e alumnas teñen diversas actividades.
Durante este mes os rapaces coñecerán un pouco da vida de Valentín Paz
Andrade persoaxe principal deste ano.

A máis destacada sexa cecais a denominada "As nosas letriñas".
 Dende fai varios anos,cinco en concreto, as mestras pensaron que para nenos tan pequenos as figuras a quen se lle adicaban o Dia Das Letras Galegas non eran as máis indicadas pola a sua idade e polo tanto propuxéronse adicarlle dunha maneira diferente a autores que tiveran relación coaliteratura infantil máis acorde coa idade dos rapaces.

FINA CASALDERREY

Polo centro pasaron autores coma Mon Daporta, Ramón Caride,o ilustrador Eduardo Baamonde e o ano pasado
Chema Heras. Este ano 2012 estará no colexio Fina Casalderrey, prolífica autora de literatura infantil. Entre a 2ª e 3ª semán de maio estará exposta no

centro a obra de Fina Casalderrey. O dia 25 é a data sinalada para a visita e os rapaces faranlle preguntas e falarán con ela. Os rapaces que teñan libros da autora poderán levalos para que llos asine.

MON DAPORTA

Pero isto é tan so unha parte da programación do centro para este mes. O pasado dia 8 tivo lugar unha charla para os pais e titores dos rapaces impartida por Emilio Insua e que levaba por título "A importancia do Plurilinguismo a idades temperás". Unha charla amena e moi didáctica.

RAMON CARIDE

Haberá tamén un concurso de lemas en defensa e un maior uso do noso idioma para os estudantes de 5º e 6º curso.

O dia 16 as profesoras organizan unha xornada no que algúns rapaces
recitarán poemas e cantarán cantigas, os maiores do colexio interpretarán a obra de "Dona Carme" en teatro de sombras e cantarán un conto encadeado  sobre o libro "A Amora" versionado polo grupo Fiadeiro. Todo elo co punto en común de autores aos que se lle adicou un dia Das Letras Galegas.

Haberá tamén intercambio de contacontos co CEIP de Castrelo (Cambados) e tamén están invitadas a participar as familias e os nenos nas sesións de contacontos

Como vedes unha programación moi completa e variada para introducir a os nosos cativos neste fermoso e tantas veces denostado idioma.

Foto de portada do blog da EEI A PASTORA