ECLIPSE TOTAL DE LUNA ESTE DOMINGO VISIBLE EN GALICIA

Eclipse total de lúa na madrugada do domingo ao luns que poderá verse en Galicia. Nesa madrugada, as 2.12 horas producirase o primeiro contacto do satélite co cono de penumbra, pero será as 3.07 horas cando se inicie a eclipse parcial. A lúa permanecerá eclipsada totalmente desde as 4.11 ata as 5.23 horas, e a partir dese momento volverá a estalo parcialmente unha hora máis, rematando completamente a eclipse ás 7.22 horas.

“Como aínda na fase total a lúa non chega a desaparecer de todo, amosará tonalidades vermellas, ocres e castañas debido aos raios tanxentes de luz solar que a atmosfera desvía cara a ela”, explica o director do Observatorio Astronómico Ramón María Aller da USC, José Ángel Docobo, en relación a un fenómeno popularmente coñecido como ‘lúa vermella’.  En canto a eclipses de Sol, e logo da parcial do 20 de marzo deste ano, haberá que agardar ata o 10 de xuño de 2021 para poder ver outra desde Galicia. A próxima total visible na Península será o 12 de agosto de 2026. Ano e medio despois observarase unha anelar o 26 de xaneiro de 2028.

HOXE EN CAMBADOS O TEMA DO DIA É O XABARIL

En Cambados, o protagonista da conversa veciñal esta mañá era o xabaril.
O animal paseou pola zona urbana onte á noite. Contra as nove e media conseguiron acurralalo no parque infantil de San Tomé, pero ao final deixárono fuxir.
O xabaril e as súas andanzas pola zona de San Tomé eran motivo de conversa en todos os ámbitos da vida cambadesa nesta mañá.
O porco bravo achegouse á vila contra as nove e media e así o mostran os vídeos gravados por varios dos veciños que se xuntaron arredor do parque infantil. Tratábase de velo de preto e a Policía Local tentou capturalo en prevención de males maiores.

Sobre a relación que podería ter co avistado na Toxa, son varios os que opinan que podería ser o mesmo, que aproveitou a seca ou marea baixa para pasar pola vila.
O xabaril non ocasionou dano e volveu ao seu hábitat deixando atrás unha grande expectación na súa visita nocturna a Cambados.

 Vídeo subido a Youtube por "ALZA LA VOZ CAMBADOS"

AÍNDA QUE PAREZA UN CHISTE ESTA HISTORIA E VERÍDICA

Hospital Montecelo

Unha persoa foi trasladada ao Hospital Domínguez de Pontevedra tras resultar ferida leve nun accidente de tráfico. O curioso do caso é que o sinistro no que sufriu os danos produciuse xusto ás portas doutro centro hospitalario, Montecelo.

Segundo o Centro de Atención de Emerxencias de Galicia 112, o sinistro produciuse ás 13.04 horas e consistiu nunha colisión por alcance diante de Montecelo. A alerta deuna o 061, que tamén procedeu á atención da vítima.

Fontes de Urxencias Médicas de Galicia 061 indicaron que a raíz deste accidente rexistrouse un ferido, unha persoa que foi trasladada cun pronóstico leve ao Domínguez por unha ambulancia asistencial.

A todo esto supoñemos que o traslado a o H. Domínguez fíxose pola levedade das feridas, pois si estivese máis grave e o paciente morre na viaxe..........