PONTEVEDRA-SALNÉS: EMPEORA A SITUACIÓN NA NOSA ÁREA

Coronavirus Pontevedra-Salnés: 14 contaxios novos e soben a 233 os casos activos

A situación empeora levemente na área sanitaria, sendo O Grove o lugar con maior incidencia. A área sanitaria de Pontevedra e O Salnés é a única que empeora hoxe de Galicia, non tanto por un número alto de contaxios senón polas poucas altas que se deron. A situación segue sendo relativamente tranquila, pero O Grove e Sanxenxo están por encima de 200 de incidencia, e o primeiro dos municipios segue aumentando. Cambados baixa un caso activo e sitúase de novo en 10. Nas últimas 24 horas producíronse 14 contaxios novos, 2 falecementos e 9 altas, o que fai que aumenten en 3 os casos activos, pasando dos 230 de onte aos 233 de hoxe. Os falecidos son un home de 86 anos que estaba ingresado no Complexo Hospitalario Universitario de Pontevedra (CHOP), correspóndese coa xornada do Venres Santo. Por tanto, aínda que nun principio Sanidade non notificara ningunha vítima para ese día --terceira vez que ocorría no últimos seis meses--, finalmente si se confirmou un falecemento. Ademais, ao longo deste sábado morreu diagnosticado de covid-19 outro home ingresado no CHOP, de 75 anos. Incidencia: Casos por 100.000 habitantes nos últimos 14 días nos concellos do Salnés.

Cambados 3 22

Illa de Arousa 3 61

Meaño 3 57

Meis 3 63

O Grove 31 291

Ribadumia 0 0

Sanxenxo 36 208

Vilagarcía de Arousa 14 37

Vilanova de Arousa 3 29

Sobe a incidencia en Pontevedra cidade e baixa en Marín e Sanxenxo. Na área sanitaria a situación do Grove segue sendo a peor, con 291 de incidencia e 27 contaxios nos últimos 7 días. O número de pacientes hospitalizados baixa de 20 a 17 persoas, distribuídas en 15 pacientes no CHU de Pontevedra (14 en planta e 1 na UCI), 1 no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 12.841 casos de coronavirus, con 166 falecementos, 12.442 altas e 233 casos activos nestes momentos.