DETIDO TRAS ENTRAR NA CASA DO ALCALDE DE VILANOVA

Detido un mozo tras entrar na casa do alcalde de Vilanova de Arousa (Pontevedra)

O home, nun visible estado de embriaguez, negábase a abandonar a vivenda de Gonzalo Durán A Policía Local de Vilanova de Arousa detivo o venres a un mozo, duns 20 anos de idade, por entrar na casa do alcalde, Gonzalo Durán, e logo negarse a abandonala. Segundo informan fontes do corpo local, ocorreu pasadas as 21,00 horas da noite. Foi a muller do rexedor quen deu a voz de alarma ao ver a este individuo no salón da vivenda e, a pesar de que llo requiriu, este non se marchaba. De acordo coas mesmas fontes, non hai constancia de que o mozo, en aparente estado de embriaguez, accedese á casa para roubar nin para cometer calquera outro delito, polo que en principio foi detido por violación de morada. A Policía Local deu conta do ocorrido á Garda Civil, para que instruíse as correspondentes dilixencias e se ocupase do home ata o seu pase a disposición xudicial.