PONTEVEDRA-SALNÉS: CONTINÚAN AUMENTANDO OS CONTAXIOS

Coronavirus Pontevedra-Salnés: 24 contaxios novos e soben a 315 os casos activos

A situación na área sanitaria segue empeorando e O Grove xa é o terceiro municipio con máis contaxios de Galicia. A área sanitaria de Pontevedra e O Salnés continúa sumando contaxios e casos activos e termina a semana con 82 casos activos máis, un aumento do 35% en casos activos. Nas últimas 24 horas producíronse 24 contaxios novos e 11 altas, o que fai que aumenten en 13 os casos activos, pasando dos 302 de onte aos 315 de hoxe. Incidencia: Casos por 100.000 habitantes nos últimos 14 días nos concellos do Salnés. Cambados 13 95 Illa de Arousa 10 203 Meaño 3 57 Meis 3 63 O Grove 73 685 Ribadumia 3 59 Sanxenxo 21 121 Vilagarcía de Arousa 22 59 Vilanova de Arousa 12 116 Continúa aumentando a incidencia en Pontevedra cidade, e no Grove ascende ata 685. Este municipio xa é o terceiro con máis contagios de Galicia en números absolutos, ademais de ser con diferenza o de maior incidencia. Cambados aumenta a 13 (un máis) os casos activos. O número de pacientes hospitalizados baixa de 22 a 20 persoas, distribuídas en 18 pacientes no CHU de Pontevedra (15 en planta e 3 na UCI), 2 no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 13.020 casos de coronavirus, con 168 falecementos, 12.537 altas e 315 casos activos nestes momentos.