PONTEVEDRA-SALNÉS: A ÁREA CON PEORES DATOS DE HOXE

Coronavirus Pontevedra-Salnés: 37 contaxios novos e soben a 283 os casos activos

A área pontevedresa é hoxe a que máis contaxios rexistra en toda Galicia. A área sanitaria de Pontevedra e O Salnés é hoxe a que máis empeora de Galicia ao sumar outros 17 casos activos de coronavirus debido ao alto número de contaxios que segue producíndose. Nas últimas 24 horas producíronse 37 contaxios novos, 1 falecemento e 19 altas, o que fai que aumenten en 17 os casos activos, pasando dos 266 de onte aos 283 de hoxe. Incidencia: Casos por 100.000 habitantes nos últimos 14 días nos concellos do Salnés Cambados 11 80 Illa de Arousa 10 203 Meaño 3 57 Meis 3 63 O Grove 46 432 Ribadumia 3 59 Sanxenxo 30 173 Vilagarcía de Arousa 18 48 Vilanova de Arousa 3 29 Aumenta de novo a incidencia en Pontevedra cidade, e dentro da área sanitaria segue destacando O Grove, que xa está en 432, e A Illa de Arousa, con 200. A situación en Sanxenxo mantense estable. Cambados sobe a 12 casos activos tras varios días estables en 10 casos. O número de pacientes hospitalizados baixa de 23 a 22 persoas, distribuídas en 19 pacientes no CHU de Pontevedra (17 en planta e 2 na UCI), 3 no Hospital Público do Salnés e ningún no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 12.948 casos de coronavirus, con 168 falecementos, 12.497 altas e 283 casos activos nestes momentos.