CORONAVIRUS GALICIA: MELLORA TRAS 3 DIAS DE SUBIDA DE CASOS

Coronavirus Galicia: 132 contaxios novos e baixan a 2.185 os casos activos

Mellora a situación en case toda Galicia, con menos contaxios que onte (só 17 en Vigo) e un importante descenso de hospitalizados. Galicia volve descender en casos activos tras tres días consecutivos empeorando, e hoxe a mellor noticia é que se produce outra importante baixada de hospitalizados na comunidade, facendo que sexan 26 menos que o xoves pasado e que cheguen a un novo mínimo desde o 2 de setembro do ano pasado. Os contaxios descenderon respecto a onte, debido sobre todo ao baixo número rexistrado en Vigo (pasaron de 71 a 17). Con todo, continúan aumentando en áreas como Santiago e, especialmente, Pontevedra. A situación hospitalaria mellora notablemente hoxe, con 15 hospitalizados menos que onte e 26 menos que o xoves pasado. Hai unha semana había 199 hospitalizados en Galicia divididos en 171 pacientes de planta e 28 de UCI, e hoxe son 173 en total, con 145 en planta e os outros 28 na unidade de críticos. As áreas sanitarias máis afectadas seguen sendo A Coruña e Vigo. A área herculina resta hoxe 33 infectados e baixa ata 616, con 32 contaxios. Supón nestes momentos o 28,2% de todos os casos de Galicia, e o 34,5% dos hospitalizados. Vigo resta 23 infectados ata os 600 casos activos e volve mellorar tras varios días empeorando. Estes son os datos máis relevantes de hoxe: Os contaxios novos baixan respecto a onte (de 181 a 132) e están por baixo dos 138 do xoves pasado. Este descenso de 6 contaxios nunha semana supón un 4,4% menos. Vigo é agora a cidade galega máis afectada en incidencia debido ao aumento dos últimos días. Hoxe, con todo, rexistra só 17 contaxios. Os casos activos descenden de 2.233 a 2.185, unha baixada de 48 infectados máis, que supoñen un descenso do 2,2%. Descenden dean 15 persoas os hospitalizados e hai 26 persoas menos ingresadas que o xoves pasado. A incidencia a 14 días baixa de 70 a 69, menos dunha décima parte do máximo de 769 do domingo 31 de xaneiro. A incidencia a 7 días mantense en 34. Hoxe xoves son 6 diagnósticos menos que o pasado xoves 1 de abril, procedendo dun número de probas superior. Os 132 casos novos de hoxe son o 1,88% de diagnósticos positivos de 7.015 probas PCR, mentres que os 138 do xoves pasado eran o 2,11% de positivos de 6.531 tests. Na web de datos do Sergas di que nas últimas 24 horas confirmáronse 139 casos de COVID-19 por PCR, pero a diferenza entre o total de infectados desde o inicio da pandemia de hoxe (118.102) e o de onte (117.970) é de 132 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 132 novos casos de SARS- CoV-2, 3 falecementos e 177 altas, o que fai que descendan en 48 persoas os casos de coronavirus, pasando dos 2.233 de onte aos 2.185 de hoxe. O total de hospitalizados baixa en 15 persoas, de 188 a 173 pacientes. O pasado mércores eran 199 hospitalizados, 26 máis que hoxe. O total de casos de coronavirus contabilizados polo Sergas desde o inicio da pandemia é de 118.102. Só Pontevedra e Ourense empeoran Hoxe melloran todas as áreas sanitarias galegas menos Pontevedra e Ourense. A máis afectada é a área da Coruña, con 616 casos activos (-33), seguida de Vigo con 600 (-23), Santiago con 318 (-2), Pontevedra con 283 (+17), Lugo con 142 (-3), Ourense con 140 (+1) e Ferrol con 86 (-5). Vigo baixa cinco puntos de incidencia pero segue sendo a cidade máis afectada de Galicia. Incidencia nas cidades A Coruña: 111 (-9) Ferrol: 44 (-3) Lugo: 46 (-2) Ourense: 41 (+2) Pontevedra: 78 (+8) Santiago: 53 (-6) Vigo: 116 (-6)

Novos contaxios por área sanitaria A Coruña: 32 Ferrol: 8 Lugo: 6 Ourense: 9 Pontevedra: 37 Santiago: 23 Vigo: 17 Total: 132

O total de falecementos desde o inicio da pandemia sobe a 2.363 persoas, 3 máis nas últimas 24 horas, e son 1.744 desde a nova normalidade, superando os 619 da primeira onda. O total de hospitalizados é de 173 (-15), divididos en 28 (+1) na UCI e 145 (-16) en unidades de hospitalización. O total de probas PCR realizadas é de 1.891.428, delas 7.015 nas últimas 24 horas, cun 1,88% de positivos. Esta semana progresa algo peor que a anterior, con 565 contaxios novos sumando luns, martes, mércores e xoves en comparación cos 547 da semana pasada. As últimas semanas terminaron con 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.