PONTEVEDRA-SALNÉS: SUBEN OS ACTIVOS A PESAR DOS POUCOS CONTAXIOS

Coronavirus Pontevedra-Salnés: 6 contaxios novos e soben a 209 os casos activos

A área sanitaria pontevedresa termina a semana un pouco peor que a anterior debido ao elevado número de contaxios en Sanxenxo. A área sanitaria de Pontevedra e O Salnés empeora hoxe, non debido a un elevado número de contagios senón ás poucas altas que se rexistraron, e termina a semana un pouquiño peor que o domingo pasado. Os casos activos aumentaron en sete días de 200 a 209 e os hospitalizados de 16 a 19. A situación na área sanitaria é moi tranquila, salvo en Sanxenxo, onde segue aumentando a incidencia. Nas últimas 24 horas producíronse 6 contaxios novos e 3 altas, o que fai que suban en 3 os casos activos, pasando dos 206 de onte aos 209 de hoxe. Incidencia: Casos por 100.000 habitantes nos últimos 14 días nos concellos do Salnés.

Cambados 3 22

Illa de Arousa 3 61

Meaño 0 0

Meis 3 63

O Grove 3 28

Ribadumia 0 0

Sanxenxo 49 282

Vilagarcía de Arousa 3 8

Vilanova de Arousa 3 29

Continúa aumentando a incidencia en Sanxenxo, con 28 contaxios no últimos sete días e 49 nos últimos 14. No resto da área sanitaria non chama a atención ningún municipio máis. Cambados sube a 12, un máis despois de varios dias entre 10 e 11. O número de pacientes hospitalizados mantense en 19 persoas, distribuídas en 18 pacientes no CHU de Pontevedra (17 en planta e 1 na UCI), 1 no Hospital Público do Salnés e ningún no Quirónsalud Miguel Domínguez. Na área sanitaria de Pontevedra-O Salnés desde o inicio da pandemia tivo 12.720 casos de coronavirus, con 161 falecementos, 12.350 altas e 209 casos activos nestes momentos.